ബോളിവുഡിന്റെ പ്രിയപ്പെട്ട നടിയാണ് വിദ്യാബാലന്. മലയാളം സിനിമയിലെ ഹിറ്റ് സീനുകള് റീലായി അവതരിപ്പിച്ച് സോഷ്യല് മീഡിയയില് കയ്യടി നേടിയിട്ടുണ്ട് താരം. ഇപ്പോഴിതാ വിദ്യ ബാലന്റെ പുതിയ വീഡിയോയും വൈറലാവുകയാണ്.
ഉര്വശി, മീര ജാസ്മിന് എന്നിവര് പ്രധാന വേഷങ്ങളിലെത്തിയ ' അച്ചുവിന്റെ അമ്മ' എന്ന സിനിമയിലെ ഉര്വശി ഇംഗ്ലീഷ് പറയുന്ന രംഗമാണ് താരം അവതരിപ്പിച്ചത്. ' എന്റെ ഏറ്റവും പ്രിയപ്പെട്ട നടിമാരില് ഒരാളായ ഉര്വശി ചേച്ചിയുടെ ഒരു രംഗം. ചേച്ചി ക്ഷമിക്കണം' എന്ന ക്യാപ്ഷനോടെയാണ് വിദ്യ ബാലന് വീഡിയോ പങ്കുവച്ചിരിക്കുന്നത്. നിരവധി മലയാളി ആരാധകര് വിദ്യ ബാലന് പങ്കുവച്ച വീഡിയോയ്ക്ക് ലൈക്കും കമന്റുമായി എത്തി.
സമൂഹ മാധ്യമങ്ങളില് സജീവമായ വിദ്യ ബാലന് ഇടയ്ക്കിടെ റീലുകള് പങ്കുവയ്ക്കാറുണ്ട്. രസകരമായ റിലീകള്ക്ക് മികച്ച പ്രതികരണമാണ് ആരാധകരില് നിന്നും ലഭിക്കുന്നത്.
