സംസ്ഥാനത്തെ മോട്ടോർ വാഹന വകുപ്പിന്റെ എഐ ക്യാമറകളുടെ പ്രവർത്തനം ഇന്റർനെറ്റ് സേവനം തടസ്സപ്പെട്ടതിനെ തുടർന്ന് പൂർണമായി നിലച്ചു. പദ്ധതിയുടെ നടത്തിപ്പ് ചുമതലയുള്ള കെൽട്രോൺ, ഇന്റർനെറ്റ് സേവനദാതാക്കളായ ജിയോയ്ക്ക് വലിയ തുക കുടിശ്ശിക നൽകാനുള്ളതിനെ തുടർന്നാണ് സേവനം നിർത്തിവെച്ചത്.
സർക്കാരിൽ നിന്ന് കെൽട്രോണിന് ലഭിക്കാനുള്ള 90 കോടിയിലധികം രൂപയുടെ കുടിശ്ശിക ലഭിക്കാത്തതിനാൽ ജിയോയ്ക്കുള്ള പണം നൽകാൻ കഴിഞ്ഞില്ലെന്നാണ് വിവരം. ഇതോടെയാണ് ഇന്റർനെറ്റ് ബന്ധം വിച്ഛേദിക്കപ്പെട്ടത്.
ഇന്റർനെറ്റ് ഇല്ലാത്തതിനാൽ എഐ ക്യാമറകളിൽ നിന്നുള്ള ദൃശ്യങ്ങൾ കൺട്രോൾ റൂമുകളിലേക്ക് എത്തുന്നില്ല. ഇതുമൂലം ക്യാമറകളിൽ രേഖപ്പെടുന്ന ഗതാഗത നിയമലംഘനങ്ങൾക്ക് കഴിഞ്ഞ രണ്ട് ദിവസമായി പിഴ ചുമത്താൻ സാധിക്കാത്ത സാഹചര്യമാണുള്ളത്.
കെൽട്രോണിന് ലഭിക്കാനുള്ള കുടിശ്ശിക തുക സംബന്ധിച്ച് മുൻ സർക്കാരിന്റെ ശ്രദ്ധയിൽ പലതവണ വിഷയംപ്പെടുത്തിയിരുന്നെങ്കിലും കുടിശ്ശിക തീർപ്പാക്കാനായിരുന്നില്ല. 2023 ഏപ്രിലിലാണ് മോട്ടോർ വാഹന വകുപ്പിന്റെ പ്രധാന പദ്ധതിയായി സംസ്ഥാനത്തെ റോഡുകളിൽ എഐ ക്യാമറകൾ സ്ഥാപിച്ചത്.
