പാലക്കാട് ജില്ലയിലെ ഒരു സർക്കാർ യു.പി സ്കൂളിൽ ഏഴാം ക്ലാസ് വിദ്യാർത്ഥിനിയോട് ലൈംഗികാതിക്രമം നടന്നതായി പരാതി. സംഭവത്തിൽ പ്രധാനാധ്യാപകനെതിരെ പോലീസ് പോക്സോ നിയമപ്രകാരം കേസെടുത്തു.
കഴിഞ്ഞ മാസം പുതിയ പാഠപുസ്തകങ്ങൾ വാങ്ങാനായി സ്കൂളിലെത്തിയ കുട്ടിയെ ക്ലാസ് മുറിയിലേക്ക് കൂട്ടിക്കൊണ്ടുപോയി പ്രധാനാധ്യാപകൻ ലൈംഗികമായി അതിക്രമിച്ചെന്നാണ് പരാതി. മുൻപ് അഞ്ചാം ക്ലാസിൽ പഠിക്കുമ്പോഴും സമാനമായ മോശം പെരുമാറ്റം അധ്യാപകനിൽ നിന്നുണ്ടായതായി വിദ്യാർത്ഥി പോലീസിന് മൊഴി നൽകിയിട്ടുണ്ട്.
രക്ഷിതാക്കളുടെ പരാതിയുടെ അടിസ്ഥാനത്തിൽ പാലക്കാട് സൗത്ത് പോലീസ് പോക്സോ വകുപ്പുകൾ പ്രകാരം കേസ് രജിസ്റ്റർ ചെയ്ത് അന്വേഷണം ആരംഭിച്ചു.
