വിവാഹവാര്ഷിക ദിനത്തില് ഭാര്യ അഞ്ജുവിനൊപ്പമുളള ചിത്രങ്ങളും കുറിപ്പും പങ്കുവച്ച് നടനും തിരക്കഥാകൃത്തും ഡോക്ടറുമായ റോണി ഡേവിഡ് രാജ്. ഇരുവരുടെയും ഇരുപതാം വിവാഹ വാര്ഷികമാണിന്ന്.
'ഞങ്ങളുടെ യാത്രയുടെ രണ്ട് പതിറ്റാണ്ടുകള് പൂര്ത്തിയായി. കുറച്ചു കാലം മെഡിക്കല് പ്രാക്ടീസ് കഴിഞ്ഞു, 'സിനിമ അഭിനയം' ആണ് മെയിന് പ്രൊഫഷന് ആക്കി മാറ്റാന് പോകുന്നത് എന്ന് പറഞ്ഞപ്പോള് പ്രസ്തുത അമ്മായിച്ചന് പറഞ്ഞു പല തോതില് തടി തപ്പുനവന്മാരെ ഞാന് കണ്ടിട്ടുണ്ട്. പക്ഷെ ഭാവിയില് നടന് ആയി മാറും, ആ 'സമയത്തു struggle ചെയ്യേണ്ടി വന്നാല് അത് ബുദ്ധിമുട്ടാവില്ലേ' എന്ന് ചോദിച്ചു പിന്മാറുന്നവന് fraud അല്ലേ എന്നാണ് അദ്ദേഹം ചോദിച്ചത്.പ്രണയിക്കുന്ന സമയത്തു ഇതൊന്നും ഓര്ത്തില്ലേ??? ( സത്യമായും ഇത്രെയും ബുദ്ധിമുട്ടാണ് സിനിമ എന്ന് അന്ന് അറിയില്ലായിരുന്നു) ആ fraud വിളി കേള്ക്കാന് താല്പര്യമില്ലാത്തതു കൊണ്ട്, എന്നോടൊപ്പം അഞ്ചു സോം ദുര്ഗടമായ പാതകളില് കൂടി സഞ്ചാരം തുടങ്ങി ഇരുപതു വര്ഷങ്ങള്. രണ്ടു പേര് കൂടെ Joan, noah', എന്നാണ് റോണി ഡേവിഡ് രാജ് കുറിച്ചത്. പോസ്റ്റിന് താഴെയായി നിരവധിപ്പേള് ഇരുവര്ക്കും വിവാഹ വാര്ഷികാശംസകള് നേര്ന്ന് എത്തി. 2006 ജൂലൈ 2-ന് ആയിരുന്നു റോണിയുടെയും ഭാര്യ അഞ്ജുവിന്റെയും വിവാഹം. രണ്ട് മക്കളാണ് ഈ ദമ്പതികള്ക്കുളളത്
2008-ല് പുറത്തിറങ്ങിയ ' കുരുക്ഷേത്ര' എന്ന സിനിമയിലൂടെയാണ് റോണി ഡേവിഡ് രാജ് അഭിനയത്തില് അരങ്ങേറ്റം കുറിക്കുന്നത്. പിന്നീട് ചട്ടമ്പിനാട്, ഡാഡികൂള്, അയാളും ഞാനും തമ്മില്, ആക്ഷന് ഹീറോ ബിജു, ആനന്ദം തുടങ്ങി നിരവധി ചിത്രങ്ങളില് അദ്ദേഹം അഭിനയിച്ചു.
2023-ല് മമ്മൂട്ടിയെ നായകനായി റിലീസ് ചെയ്ത ' കണ്ണൂര് സ്ക്വാഡ്' എന്ന സിനിമയിലൂടെയാണ് അദ്ദേഹം തിരക്കഥാരചനയിലേക്ക് ചുവടുവെച്ചത്. റോണിയുടെ സഹോദരന് റോബി വര്ഗീസ് രാജ് ആയിരുന്നു കണ്ണൂര് സ്ക്വാഡ് സംവിധാനം ചെയ്തത്.
