വയനാട്: കള്ളാടി മണ്ണിടിച്ചിലിൽ പ്രതികരണവുമായി വയനാട് എം പി പ്രിയങ്ക ഗാന്ധി.കുടുംബാംഗങ്ങളെ നഷ്ടപ്പെട്ടവർക്ക് എന്റെ അഗാധമായ അനുശോചനം, ഈ ഭയാനകമായ സമയത്ത് ഞങ്ങൾ നിങ്ങളോടൊപ്പമുണ്ടാകും, സാധ്യമായ എല്ലാ പിന്തുണയും നൽകും. ഭരണകൂടത്തിന്റെ മാർഗനിർദ്ദേശങ്ങൾ കർശനമായി പാലിച്ചുകൊണ്ട് സാധ്യമായ എല്ലാ പിന്തുണയും നൽകണമെന്ന് ഞാൻ യുഡിഎഫ് പ്രവർത്തകരോടും പൊതുജനങ്ങളോടും അഭ്യർത്ഥിക്കുന്നുവെന്നും പ്രിയങ്ക ഗാന്ധി കൂട്ടിച്ചേർത്തു.
വി ഡി സതീശൻ ദുരിതാശ്വാസ പ്രവർത്തനങ്ങൾ നേരിട്ട് നിരീക്ഷിക്കുന്നുണ്ട്, പോലീസും എൻഡിആർഎഫും കുറച്ചുനാളായി സ്ഥലത്തുണ്ട്, എസ്ഡിആർഎഫ് ടീമുകളും സിവിൽ ഡിഫൻസ് വളണ്ടിയർമാരും സ്ഥലത്തെത്തിയിട്ടുണ്ട്. ജില്ലാ ഭരണകൂടം, മന്ത്രിമാരായ ടി സിദ്ദിഖ്, എ പി അനിൽ കുമാർ, പ്രാദേശിക പാർട്ടി പ്രവർത്തകർ, ബന്ധപ്പെട്ട ഏജൻസികൾ എന്നിവരുമായി ഞങ്ങൾ എല്ലാ പ്രവർത്തനങ്ങളും ഏകോപിപ്പിക്കുന്നുവെന്ന് പ്രിയങ്ക ഗാന്ധി പറഞ്ഞു.
അതേസമയം മണ്ണിടിച്ചിലില് മരിച്ചവരുടെ എണ്ണം അഞ്ചായി ഉയർന്നു. കരാർ കമ്പനി നൽകുന്ന വിവരം അനുസരിച്ച് ഏഴ് തൊഴിലാളികളെ കാണാതായിട്ടുണ്ട്. ഇവരിൽ ഒരാളുടെ മൃതദേഹം കണ്ടെത്തിയിട്ടുണ്ട്. എന്നാൽ നാട്ടുകാരിൽ ആരെങ്കിലും മണ്ണിനടിയിൽ പെട്ടിട്ടുണ്ടോ എന്ന് അറിയാൻ സാധിച്ചിട്ടില്ല.
