റോഷാക്ക് എന്ന ഹിറ്റ് ചിത്രത്തിന് ശേഷം നിസാം ബഷീര് സംവിധാനം ചെയ്യുന്ന പൃഥ്വിരാജ് ചിത്രമാണ് ഐ നോബഡി. മികച്ച പ്രതികരണമാണ് സിനിമയ്ക്ക് ലഭിക്കുന്നത്. ഇപ്പോഴിതാ ചിത്രത്തെ അഭിനന്ദിച്ചിരിക്കുകയാണ് സംവിധായകന് അനുരാഗ് കശ്യപ്. സോഷ്യല് മീഡിയ പ്ലാറ്റ്ഫോമായ ലെറ്റര്ബോക്സിലൂടെയാണ് അനുരാഗ് കശ്യപ് തന്റെ അഭിപ്രായം പങ്കുവെച്ചത്.
'തുടക്കം മുതൽ അവസാനം വരെ സിനിമ പിടിച്ചിരുത്തുന്നുണ്ട്. വളരെ മെയിൻസ്ട്രീമും ത്രില്ലിങ്ങുമായ അനുഭവമാണ് ഇത്. ഒരേ സമയം നിരവധി ഗുണ്ടകളോട് പോരാടുന്ന ഒരു സാധാരണക്കാരനെ സിനിമ കാണിക്കുന്നുണ്ട്. എന്നെ അലട്ടിയ ഒരേ ഒരു കാര്യം അതാണ്. എന്നാൽ അത് പ്രേക്ഷകർക്ക് ഇഷ്ടപ്പെടുമെന്ന് ഞാൻ കരുതുന്നു. എന്നിരുന്നാലും, അത്യാഗ്രഹം, പൊതുജനങ്ങളുടെയും മാധ്യമങ്ങളുടെയും വിചാരണ, പോലീസിംഗ്, രാഷ്ട്രീയം എന്നിവയെല്ലാം ചുറ്റിപ്പറ്റിയുള്ള ചിത്രമാണ് ഇത്', അനുരാഗ് കശ്യപിന്റെ വാക്കുകൾ.
