കന്യാകുമാരിയിൽ മലയാളി വിദ്യാർഥിനിയ്ക്ക് നേരെ ലൈംഗികാതിക്രമ ശ്രമം; 2 പേർ കസ്റ്റഡിയിൽ

തമിഴ്നാട് : കന്യാകുമാരി കളിയിക്കവിളയിൽ മലയാളി നിയമ വിദ്യാർഥിനിയ്ക്ക് നേരെ ലൈംഗികാതിക്രമം. ചെറുവാറക്കോണത്തെ ഒരു സ്വകാര്യകോളജ് വിദ്യാർഥിനിക്ക് നേരെയാണ് ലൈംഗികാതിക്രമശ്രമം ഉണ്ടായത്. സംഭവത്തിൽ പ്രായപൂർത്തിയാകാത്ത ഒരാൾ ഉൾപ്പെടെ രണ്ടുപേരെ കളിയിക്കാവിള പോലീസ് കസ്റ്റഡിയിലെടുത്തു.


വിദ്യാർഥിനി ഉച്ചഭക്ഷണം കഴിച്ചശേഷം താമസസ്ഥലത്തേക്ക് പോകും വഴിയായിരുന്നു സംഭവമുണ്ടായത്. ബൈക്കിൽ എത്തിയവരാണ് വിദ്യാർഥിനിയ്ക്ക് നേരെ ലൈംഗികാതിക്രമ ശ്രമം നടത്തിയത്. കുന്നംകോട് സ്വദേശി ഓടിച്ച ഇരുചക്ര വാഹനത്തിൽ പുറകിൽ ഇരുന്ന 17 വയസ്സുകാരൻ ആണ് അതിക്രമശ്രമം നടത്തിയത്