ന്യൂഡൽഹി: ജൂലൈ 20 ലെ 'സൻസദ് ചലോ' മാർച്ചിൽ വിദ്യാർത്ഥികൾക്കെതിരെ പോലീസ് അതിക്രമം കാട്ടിയെന്ന ആക്ഷേപങ്ങൾക്കിടയിൽ, ജന്തർമന്തറിലെ പ്രതിഷേധത്തിന്റെ സിസിടിവി ദൃശ്യങ്ങൾ ഡൽഹി പോലീസ് പുറത്തുവിട്ടു. പ്രക്ഷോഭകർ പോലീസിനും റാപ്പിഡ് ആക്ഷൻ ഫോഴ്സിനും നേരെ കല്ലെറിയുന്നത് ദൃശ്യങ്ങളിൽ കാണാമെന്ന് പോലീസ് അവകാശപ്പെടുന്നു. അതേസമയം, പ്രതിഷേധക്കാർ അക്രമത്തിന് ഉത്തരവാദികളാണെന്ന ആരോപണം സിജെപി സ്ഥാപകൻ അഭിജീത് ദിപ്കെ തള്ളിക്കളഞ്ഞു. സമരം അട്ടിമറിക്കാൻ പുറത്തുനിന്നുള്ളവരാണ് ശ്രമിക്കുന്നതെന്ന് അദ്ദേഹം ആരോപിച്ചു.
ജൂലൈ 20 ലെ സിസിടിവി ദൃശ്യങ്ങളിൽ കല്ലേറും, പെട്രോൾ പമ്പിന്റെയും സമീപത്തെ കടകളുടെയും ചില്ലുകൾ തകർക്കപ്പെട്ടതും, പ്രതിഷേധ സ്ഥലത്ത് വിന്യസിച്ചിരുന്ന സുരക്ഷാ ഉദ്യോഗസ്ഥർക്ക് നേരെ നടന്ന ആക്രമണങ്ങളും വ്യക്തമാണെന്ന് ഡൽഹി പോലീസ് അറിയിച്ചു.
ചോദ്യപേപ്പർ ചോർച്ചയിലും കേന്ദ്ര വിദ്യാഭ്യാസ മന്ത്രി ധർമ്മേന്ദ്ര പ്രധാൻ രാജിവെക്കണമെന്നും ആവശ്യപ്പെട്ട് പ്രതിഷേധിച്ച വിദ്യാർത്ഥികൾക്ക് നേരെ പോലീസ് ബലപ്രയോഗം നടത്തുന്ന ദൃശ്യങ്ങൾ സോഷ്യൽ മീഡിയയിൽ വൈറലായതിന് പിന്നാലെയാണ് ഈ പുതിയ വീഡിയോകൾ പുറത്തുവന്നിരിക്കുന്നത്. പ്രക്ഷോഭകർ സൻസദ് മാർഗിലേക്ക് മാർച്ച് ചെയ്യാൻ ശ്രമിച്ചപ്പോൾ സുരക്ഷാ ഉദ്യോഗസ്ഥർ ലാത്തിച്ചാർജ് നടത്തുന്നതും വീഡിയോകളിൽ കാണാം.
മറ്റൊരു വൈറൽ വീഡിയോയിൽ, ജന്തർമന്തറിലെ കോക്രോച്ച് ജനതാ പാർട്ടി (സിജെപി) പ്രക്ഷോഭത്തിനിടയിൽ ഒരു മുതിർന്ന ഡൽഹി പോലീസ് ഉദ്യോഗസ്ഥൻ വനിതാ പ്രതിഷേധക്കാരിയെ അടിക്കുന്നത് വ്യക്തമായിരുന്നു. സംഭവത്തെ തുടർന്ന് ഉണ്ടായ പ്രതിഷേധത്തെ തുടർന്ന്, നോർത്ത് ഈസ്റ്റ് അഡീഷണൽ ഡിസിപി സന്ദീപ് ലാംബയെ പ്രതിഷേധ സ്ഥലത്തെ ഡ്യൂട്ടിയിൽ നിന്ന് മാറ്റുകയും ചെയ്തു.
ബുധനാഴ്ചയും സംഘർഷങ്ങൾ പൊട്ടിപ്പുറപ്പെട്ടു. റിപ്പോർട്ടുകൾ പ്രകാരം, പ്രക്ഷോഭകർ സുരക്ഷാ ഉദ്യോഗസ്ഥർക്ക് നേരെ കല്ലെറിഞ്ഞു. ആൾക്കൂട്ടത്തെ പിരിച്ചുവിടാൻ പോലീസ് കണ്ണീർ വാതക പ്രയോഗവും നടത്തി. അക്രമണത്തിനിടയിൽ കണാട്ട് പ്ലേസ് എസിപി വിവേക് ഭഗത്തിന് പരിക്കേൽക്കുകയും അദ്ദേഹത്തെ റാം മനോഹർ ലോഹ്യ ആശുപത്രിയിലെ എമർജൻസി വിഭാഗത്തിൽ പ്രവേശിപ്പിക്കുകയും ചെയ്തു. അദ്ദേഹത്തിന്റെ കൈകാലുകളിലും തോളിലും ചതവുകളും തലയുടെ പിന്നിൽ നീര് വീക്കവുമുണ്ട്. കൂടാതെ ചെവിയിൽ നിന്ന് രക്തസ്രാവവും ഛർദ്ദിയും ഉണ്ടായതായും ആശുപത്രി അധികൃതർ അറിയിച്ചു.
ജൂലൈ 20 ലെ സിസിടിവി ദൃശ്യങ്ങളിൽ കല്ലേറും, പെട്രോൾ പമ്പിന്റെയും സമീപത്തെ കടകളുടെയും ചില്ലുകൾ തകർക്കപ്പെട്ടതും, പ്രതിഷേധ സ്ഥലത്ത് വിന്യസിച്ചിരുന്ന സുരക്ഷാ ഉദ്യോഗസ്ഥർക്ക് നേരെ നടന്ന ആക്രമണങ്ങളും വ്യക്തമാണെന്ന് ഡൽഹി പോലീസ് അറിയിച്ചു.
ചോദ്യപേപ്പർ ചോർച്ചയിലും കേന്ദ്ര വിദ്യാഭ്യാസ മന്ത്രി ധർമ്മേന്ദ്ര പ്രധാൻ രാജിവെക്കണമെന്നും ആവശ്യപ്പെട്ട് പ്രതിഷേധിച്ച വിദ്യാർത്ഥികൾക്ക് നേരെ പോലീസ് ബലപ്രയോഗം നടത്തുന്ന ദൃശ്യങ്ങൾ സോഷ്യൽ മീഡിയയിൽ വൈറലായതിന് പിന്നാലെയാണ് ഈ പുതിയ വീഡിയോകൾ പുറത്തുവന്നിരിക്കുന്നത്. പ്രക്ഷോഭകർ സൻസദ് മാർഗിലേക്ക് മാർച്ച് ചെയ്യാൻ ശ്രമിച്ചപ്പോൾ സുരക്ഷാ ഉദ്യോഗസ്ഥർ ലാത്തിച്ചാർജ് നടത്തുന്നതും വീഡിയോകളിൽ കാണാം.
മറ്റൊരു വൈറൽ വീഡിയോയിൽ, ജന്തർമന്തറിലെ കോക്രോച്ച് ജനതാ പാർട്ടി (സിജെപി) പ്രക്ഷോഭത്തിനിടയിൽ ഒരു മുതിർന്ന ഡൽഹി പോലീസ് ഉദ്യോഗസ്ഥൻ വനിതാ പ്രതിഷേധക്കാരിയെ അടിക്കുന്നത് വ്യക്തമായിരുന്നു. സംഭവത്തെ തുടർന്ന് ഉണ്ടായ പ്രതിഷേധത്തെ തുടർന്ന്, നോർത്ത് ഈസ്റ്റ് അഡീഷണൽ ഡിസിപി സന്ദീപ് ലാംബയെ പ്രതിഷേധ സ്ഥലത്തെ ഡ്യൂട്ടിയിൽ നിന്ന് മാറ്റുകയും ചെയ്തു.
ബുധനാഴ്ചയും സംഘർഷങ്ങൾ പൊട്ടിപ്പുറപ്പെട്ടു. റിപ്പോർട്ടുകൾ പ്രകാരം, പ്രക്ഷോഭകർ സുരക്ഷാ ഉദ്യോഗസ്ഥർക്ക് നേരെ കല്ലെറിഞ്ഞു. ആൾക്കൂട്ടത്തെ പിരിച്ചുവിടാൻ പോലീസ് കണ്ണീർ വാതക പ്രയോഗവും നടത്തി. അക്രമണത്തിനിടയിൽ കണാട്ട് പ്ലേസ് എസിപി വിവേക് ഭഗത്തിന് പരിക്കേൽക്കുകയും അദ്ദേഹത്തെ റാം മനോഹർ ലോഹ്യ ആശുപത്രിയിലെ എമർജൻസി വിഭാഗത്തിൽ പ്രവേശിപ്പിക്കുകയും ചെയ്തു. അദ്ദേഹത്തിന്റെ കൈകാലുകളിലും തോളിലും ചതവുകളും തലയുടെ പിന്നിൽ നീര് വീക്കവുമുണ്ട്. കൂടാതെ ചെവിയിൽ നിന്ന് രക്തസ്രാവവും ഛർദ്ദിയും ഉണ്ടായതായും ആശുപത്രി അധികൃതർ അറിയിച്ചു.
Comments