ലുസൈന്: സീസണിലെ മികച്ച ദൂരം കണ്ടെത്തിയെങ്കിലും ഇന്ത്യയുടെ ജാവലിന് ത്രോ താരം ഒളിമ്പ്യന് നീരജ് ചോപ്രയ്ക്ക് ലുസൈന് ഡയമണ്ട് ലീഗില് രണ്ടാം സ്ഥാനം. ശ്രീലങ്കയുടെ റുമേഷ് പതിരാഗെ തരംഗ 88.14 മീറ്റര് എറിഞ്ഞ് ഒന്നാമനായി. 88.05 മീറ്റര് വരെയാണ് നീരജ് എറിഞ്ഞത്. 77.95 മീറ്റര് വരെയെത്തിയ ഗ്രനേഡയുടെ ആന്ഡേഴ്സന് പീറ്റേഴ്സ് മൂന്നാമതെത്തി.
ലുസൈന് ഡയമണ്ട് ലീഗില് രണ്ടുവട്ടം ഒന്നാമനാകാന് നീരജിനായി. ഗ്ലാസ്ഗോ കോമണ്വെല്ത്ത് ഗെയിംസിലും നീരജിനെ പിന്തള്ളി റുമേഷ് സ്വര്ണം നേടിയിരുന്നു. രണ്ടാമത്തെ ശ്രമത്തിലാണ് നീരജ് 88.05 മീറ്റര് പിന്നിട്ടത്. സീസണില് ഇതുവരെ മികച്ച ദൂരം 85.83 മീറ്ററായിരുന്നു. കോമണ്വെല്ത്ത് ഗെയിംസിലാണ് ഈ ദൂരം പിന്നിട്ടത്. ഇവിടെ രണ്ട് റൗണ്ട് കഴിഞ്ഞപ്പോള് ഇന്ത്യന് താരം ഒന്നാമതായിരുന്നു. മൂന്നാം അവസരത്തില് 88.14 മീറ്റര് എറിഞ്ഞ് ലങ്കന് താരം ഒന്നാം സ്ഥാനം ഉറപ്പിച്ചു. പിന്നീടുള്ള റൗണ്ടുകളില് നീരജിന് ലങ്കന് താരത്തെ മറികടക്കാനായില്ല. പോള്വാള്ട്ട് ഇതിഹാസം സ്വീഡന്റെ അര്മാന്ഡ് ഡുപ്ലാന്റിസും മുന്നേറ്റം തുടരുകയാണ്. 6.21 മീറ്റര് ചാടിയാണു ഡുപ്ലാന്റിസ് ഒന്നാമനായത്്. ഗ്രീസിന്റെ ഇമ്മാനൗലി കാറാലിസ് 6.16 മീറ്ററുമായി രണ്ടാം സ്ഥാനത്തും ഓസ്ട്രേലിയയുടെ കുര്ട്ടിസ് മാഴ്ഷാല് 5.91 മീറ്ററുമായി മൂന്നാം സ്ഥാനത്തുമെത്തി.
Comments