കാഠ്മണ്ഡു: ലോകത്തെ നടുക്കിയ മിന്നല്പ്രളയദുരന്തത്തില് നേപ്പാളില് മരിച്ചവരുടെ എണ്ണം 626 ആയി ഉയര്ന്നു. മൂവായിരത്തോളംപേര് ഇപ്പോഴും കാണാമറയത്താണ്. ജീവനോടെ കണ്ടെത്താനാകുമെന്ന പ്രതീക്ഷ കുറഞ്ഞെങ്കിലും കാണാതായവര്ക്കായി തെരച്ചില് തുടരുകയാണ്.
നേപ്പാളിലും തിബറ്റിലുമായി 633 പേര് മരിച്ചെന്നാണ് ഔദ്യോഗിക സ്ഥിരീകരണം. വിദേശികള് ഉള്പ്പെടെ 2426 പേരെ നേപ്പാളില്മാത്രം കാണാതായതായി ഔദ്യോഗികവൃത്തങ്ങള് അറിയിച്ചു. വിവിധ ജലവൈദ്യുതപദ്ധതികളുടെ ഭാഗമായി ജോലിചെയ്തിരുന്ന ആയിരത്തോളംപേരെ കാണാതായി. 320 ഇന്ത്യക്കാരും വിദേശപൗരത്വമുള്ള നൂറിലേറെ ഇന്ത്യന്വംശജരെയും കാണാതായിട്ടുണ്ട്. ഇന്നലെ കാണാതായ ഒരു മലയാളിയെക്കൂടി കണ്ടെത്തിയതായി വിവരമുണ്ട്. ഏഴു പേരേക്കുറിച്ച് യാതൊരു വിവരവും ലഭിച്ചിട്ടില്ല. രക്ഷാപ്രവര്ത്തനത്തില് പങ്കെടുക്കാനായി തെരച്ചില് നടത്താന് വൈദഗ്ധ്യമുള്ള ഇന്ത്യന് സംഘം ഇന്നലെ നേപ്പാളിലെത്തി.
മിന്നല് പ്രളയത്തില് കാണാതായവരുടെ എണ്ണം വര്ധിച്ചതോടെ വിദേശ സഹായം വേണ്ടെന്ന മുന് നിലപാട് നേപ്പാള് മാറ്റിയിട്ടുണ്ട്. രക്ഷാപ്രവര്ത്തനത്തിനുവേണ്ട വൈദഗ്ധ്യം തങ്ങള്ക്കുണ്ടെന്നാണ് ഇന്ത്യയടക്കമുള്ള രാജ്യങ്ങളുടെ സഹായ അഭ്യര്ഥനകള് നിരസിച്ചു കൊണ്ട് നേപ്പാള് അവകാശപ്പെട്ടത്. 2015 ലെ ഭൂകമ്പത്തില് വിദേശ രക്ഷാപ്രവര്ത്തകര് എത്തിയപ്പോള് രക്ഷാ ദൗത്യത്തിന്റെ ഏകോപനത്തില് വീഴ്ച സംഭവിച്ചതും കഴിഞ്ഞ ദിവസം ചര്ച്ചയായിരുന്നു. നേപ്പാളിലേക്കു പോയ 300 ഓളം പൗരന്മാരെ കുറിച്ച് വിവരമില്ലെന്നും അവരെ രക്ഷപ്പെടുത്തുക എന്നതിനാണ് മുന്ഗണനയെന്നും കഴിഞ്ഞ ദിവസം ഇന്ത്യന് വിദേശകാര്യ മന്ത്രാലയം പരസ്യ പ്രസ്താവന നടത്തിയിരുന്നു. നേപ്പാള് സര്ക്കാര് അനുവദിച്ചാല് എന്.ഡി.ആര്.എഫ് സംഘത്തെ ഉടന് അയയ്ക്കുമെന്നും ഇന്ത്യ പരസ്യമായി പ്രഖ്യാപിച്ചു. ഇത് രാജ്യാന്തര തലത്തില് നേപ്പാള് സര്ക്കാരിനു മേല് കടുത്ത സമ്മര്ദമാണ് ചെലുത്തിയത്.
വീണ്ടും മിന്നല്പ്രളയമുണ്ടാകുമെന്ന മുന്നറിയിപ്പും മഴയും കനത്ത മൂടല്മഞ്ഞും പ്രതികൂല കാലാവസ്ഥയും രക്ഷാപ്രവര്ത്തനങ്ങളെ ബാധിച്ചിട്ടുണ്ട്. വന്തോതില് ചെളിയും കല്ലുകളും മറ്റ് അവശിഷ്ടങ്ങളും അടിഞ്ഞതും റോഡുകളും പാലങ്ങളും ഉള്പ്പെടെയുള്ള അടിസ്ഥാനസൗകര്യങ്ങള് നശിച്ചതും വെല്ലുവിളിയാണ്.
അതേസമയം, നേപ്പാളിനു ധനസഹായവുമായി ലോകരാഷ്ട്രങ്ങള് രംഗത്തെത്തി. യൂറോപ്യന് യൂണിയനും നിരവധി രാജ്യങ്ങളും നേപ്പാളിനു ധനസഹായം പ്രഖ്യാപിച്ചു. നേപ്പാള് പ്രധാനമന്ത്രിയുടെ ദുരിതാശ്വാസനിധിയിലേക്ക് 229.5 കോടി രൂപ ഇതുവരെ ലഭിച്ചതായി ഔദ്യോഗികവൃത്തങ്ങള് അറിയിച്ചു. ദുരന്തത്തില് തകര്ന്ന മേഖലയുടെ പുനര്നിര്മാണത്തിനായി 500 കോടിയോളം (അഞ്ചു ബില്യണ്) ഡോളര് വേണമെന്നാണു പ്രാഥമിക നിഗമനം. നാശനഷ്ടങ്ങള് വിലയിരുത്തി വരികയാണെന്നും മേഖലയിലെ പാലങ്ങളും, റോഡുകളും, വൈദ്യതപദ്ധതികളും ഉള്പ്പെടെയുള്ള അടിസ്ഥാനസൗകര്യങ്ങള് പൂര്ണമായി തകര്ന്നതായും നേപ്പാള് പ്രധാനമന്ത്രി സ്വര്ണിം വാെ വാര്ത്താ ഏജന്സിയോടു പറഞ്ഞു.
പ്രധാനമന്ത്രി ബാലേന്ദ്ര ഷായും അദ്ദേഹത്തിന്റെ മന്ത്രിസഭയിലെ അംഗങ്ങളും ഒരു മാസത്തെ ശമ്പളം ദുരിതാശ്വാസ നിധിയിലേക്ക് സംഭാവന ചെയ്യും. വെള്ളിയാഴ്ച ചേര്ന്ന മന്ത്രിസഭാ യോഗത്തിലാണ് ഈ തീരുമാനമെടുത്തത്.
Comments