ബ്യൂണസ് ഐറിസ്: ആദ്യ വിരമിക്കലിന് ശേഷം പത്ത് വര്‍ഷം കഴിഞ്ഞാണ് അര്‍ജന്റീനയുടെ ഇതിഹാസതാരം ഒരിക്കല്‍ കൂടി വിരമിക്കല്‍ പ്രഖ്യാപനം നടത്തിയിരിക്കുന്നത്. ഇത്തവണ താരം തീരുമാനം തിരുത്തുമെന്ന് കരുതുന്നില്ല. എന്നാല്‍ ആദ്യതവണ 2016 ല്‍ മെസ്സി വിരമിക്കല്‍ പ്രഖ്യാപിച്ചപ്പോള്‍ മുഖ്യ എതിരാളി ക്രിസ്ത്യാനോ റൊണാള്‍ഡോ നടത്തിയ പ്രതികരണം വീണ്ടും വൈറലാകുകയാണ്.
ലയണല്‍ മെസ്സി 2016 കോപ്പ അമേരിക്ക ഫൈനലില്‍ ചിലിയോട് അര്‍ജന്റീന പരാജയപ്പെട്ടതിനെ തുടര്‍ന്നാണ് ആദ്യമായി അന്താരാഷ്ട്ര ഫുട്‌ബോളില്‍ നിന്ന് വിരമിക്കല്‍ പ്രഖ്യാപിച്ചത്. തനിക്ക് അന്ന് 29 വയസ്സ് മാത്രം പ്രായമുള്ളപ്പോഴുള്ള മെസ്സിയുടെ ആദ്യ വിരമിക്കല്‍ പ്രഖ്യാപനം കായിക ലോകത്തെ ഞെട്ടിച്ചിരുന്നു. ആ സമയത്ത് തന്റെ എതിരാളിയോട് സഹാനുഭൂതി പ്രകടിപ്പിച്ച റൊണാള്‍ഡോ, ആ കടുത്ത തീരുമാനത്തിന് പിന്നിലെ വികാരങ്ങളെ മനസ്സിലാക്കാന്‍ ആളുകളോട് അഭ്യര്‍ത്ഥിച്ചു. 'മെസ്സി ഒരു കടുത്ത തീരുമാനമാണ് എടുത്തിരിക്കുന്നത്, ആളുകള്‍ അത് മനസ്സിലാക്കണം.' അന്ന് 'മുണ്ഡോ ഡിപോര്‍ട്ടീവോ'യോട് റൊണാള്‍ഡോ പറഞ്ഞു.
'മെസ്സി കണ്ണീരൊഴുക്കുന്നത് കാണുന്നത് വിഷമകരമാണ്, അവന് തന്റെ രാജ്യത്തേക്ക് തിരിച്ചുവരുമെന്ന് ഞാന്‍ പ്രതീക്ഷിക്കുന്നു, കാരണം അവന് അതിന്റെ ആവശ്യമുണ്ട്.' അന്ന് അദ്ദേഹം വ്യക്തമാക്കി. 'അവന് തോല്‍വികളോടും നിരാശകളോടും പൊരുത്തപ്പെട്ടവനല്ല, രണ്ടാം സ്ഥാനത്ത് എത്തുന്നതുപോലും അവന് സ്വീകാര്യമല്ല. ഒരു പെനാല്‍റ്റി പാഴാക്കുന്നത് അവനെ മോശം കളിക്കാരനാക്കുന്നില്ല.' അദ്ദേഹം കൂട്ടിച്ചേര്‍ത്തു. പോര്‍ച്ചുഗീസ് താരത്തിന് ഇനിയും സ്വന്തമാക്കാന്‍ കഴിയാത്ത ലോകകപ്പ് കിരീടം മെസ്സി പിന്നീട് ഉയര്‍ത്തുമെന്ന് റൊണാള്‍ഡോ അറിഞ്ഞിരുന്നില്ലെങ്കിലും, അര്‍ജന്റീനയുടെ പ്ലേമേക്കര്‍ തന്റെ തീരുമാനം പുനഃപരിശോധിച്ച് രാജ്യത്തിനായി വീണ്ടും കളിക്കുമെന്നാണ് അദ്ദേഹം പ്രതീക്ഷിച്ചത്.
ഫൈനലുകളിലെ തുടര്‍ച്ചയായ പരാജയങ്ങളില്‍ മനംനൊന്ത്, 2016 കോപ്പ അമേരിക്ക ഫൈനലില്‍ പെനാല്‍റ്റി പാഴാക്കിയതിനെ തുടര്‍ന്നാണ് മെസ്സി ഇനി ഒരിക്കലും അന്താരാഷ്ട്ര ഫുട്‌ബോളില്‍ ഇല്ലെന്ന് പ്രതിജ്ഞയെടുത്തത്. എന്നാല്‍ മെസ്സി അന്താരാഷ്ട്ര മത്സരങ്ങളിലേക്ക് മടങ്ങി വരിക മാത്രമല്ല 2021-ലെയും 2024-ലെയും കോപ്പ അമേരിക്കയും 2022-ലെ ഫിഫ ലോകകപ്പും ഉള്‍പ്പെടെ നിരവധി നേട്ടങ്ങള്‍ അദ്ദേഹം സ്വന്തമാക്കുകയും ചെയ്തു.
ഉത്തര അമേരിക്കയില്‍ ഈ വര്‍ഷം നടന്ന ലോകകപ്പ് കിരീടം സ്‌പെയിന്‍ സ്വന്തമാക്കിയതോടെ അര്‍ജന്റീനയ്‌ക്കൊപ്പമുള്ള ലയണല്‍ മെസ്സിയുടെ കിരീടം നിലനിര്‍ത്താനുള്ള മോഹം സഫലമായില്ല. ഫൈനലിലെ ആ തോല്‍വി അര്‍ജന്റീനയ്ക്കായുള്ള മെസ്സിയുടെ അവസാന മത്സരമായി മാറി. ആഴ്ചകള്‍ക്ക് ശേഷം, ബാഴ്‌സലോണയുടെ മുന്‍ താരം അന്താരാഷ്ട്ര ഫുട്‌ബോളില്‍ നിന്ന് വിരമിക്കുകയാണെന്ന് പ്രഖ്യാപിച്ചു. തിങ്കളാഴ്ച, താന്‍ ഇനി അര്‍ജന്റീന ജേഴ്‌സി അണിയുന്നില്ലെന്ന് മെസ്സി സ്ഥിരീകരിച്ചു.
Comments