യുവേഫ നേഷൻസ് ലീഗിൽ സ്‌പെയിനിനെതിരായ മത്സരത്തിൽ ഇംഗ്ലണ്ട് വഴങ്ങിയ രണ്ട് ഗോളുകൾക്കും കാരണമായത് മാഞ്ചസ്റ്റർ സിറ്റി പ്രതിരോധ താരങ്ങളുടെ പിഴവുകൾ. മത്സരം തുടങ്ങി രണ്ട് മിനിറ്റിനകം തന്നെ സ്‌പെയിൻ ലീഡെടുത്തു. സ്വന്തം പകുതിയിൽ പന്ത് ക്ലിയർ ചെയ്യാനുള്ള ശ്രമത്തിനിടെ മാർക് ഗയ്ഹിയിൽ നിന്ന് പന്ത് യമാൽ കൈക്കലാക്കി. പിന്നാലെ മനോഹരമായ വൺ-ഓൺ-വൺ ഫിനിഷിലൂടെ യമാൽ സ്‌പെയിനിന് മുന്നിലെത്തിച്ചു.
സ്‌പെയിനിന്റെ രണ്ടാമത്തെ ഗോളിലും മാഞ്ചസ്റ്റർ സിറ്റി താരത്തിന്റെ പിഴവുണ്ടായി. ഒ’റെയിലിയുടെ മിസ് പാസ് നേരിട്ട് ഓൽമോയുടെ കാലിലെത്തി. ഓൽമോ ഉടൻ പന്ത് ബിയേന്നയ്ക്ക് കൈമാറി. മികച്ച ഷോട്ടിലൂടെ ബിയേന്ന പന്ത് വലയിലെത്തിച്ചു.
ഇതോടെ സ്‌പെയിനിന്റെ വിജയത്തിൽ രണ്ട് ഇംഗ്ലീഷ് താരങ്ങൾക്കും ‘പങ്കുണ്ടായി’ എന്ന് വേണമെങ്കിൽ പറയാം. അതിനിടെ ഹാരി കെയ്ൻ സ്‌പോട്ട് കിക്ക് നഷ്ടപ്പെടുത്തിയതോടെ ലീഡ് കുറയ്ക്കാനുള്ള ഇംഗ്ലണ്ടിന്റെ മികച്ച അവസരവും പാഴായി.
അതേസമയം, ഇംഗ്ലീഷ് പ്രീമിയർ ലീഗിലെ പ്രമുഖ ക്ലബ്ബായ മാഞ്ചസ്റ്റർ സിറ്റിക്കെതിരായ 115 സാമ്പത്തിക ചാർജുകളിൽ 114 എണ്ണം സ്ഥിരീകരിച്ചതായി ഒരു ദിവസം മുമ്പ് മാധ്യമങ്ങൾ റിപ്പോർട്ട് ചെയ്തിരുന്നു. എന്നാൽ ഇതിൽ എന്ത് അച്ചടക്ക നടപടി സ്വീകരിക്കണമെന്ന കാര്യത്തിൽ ഇതുവരെ തീരുമാനമായിട്ടില്ല.
മാഞ്ചസ്റ്റർ സിറ്റി താരങ്ങളെ ഈ വിവാദം ബാധിക്കുന്നുണ്ടോ എന്നതടക്കമുള്ള ചർച്ചകളും ടീമിന്റെ മോശം പ്രകടനത്തിന് പിന്നിലെ കാരണങ്ങളായി ആരാധകർ സോഷ്യൽ മീഡിയയിൽ ഉയർത്തുന്നുണ്ട്.
Comments