ഗുവാഹത്തി : കാര്യവട്ടത്ത് മികച്ച ബാറ്റിങ് പ്രകടനം നടത്തിയിട്ടും കൂറ്റൻ സ്കോർ നേടാൻ സാധിക്കാതെ പോയതിന്റെ സങ്കടം ഗുവാഹത്തിയിൽ ‘മൂന്നിരട്ടിയായി’ വെസ്റ്റിൻഡീസ് തീർത്തു. ഇന്ത്യയ്ക്കെതിരായ രണ്ടാം ഏകദിനത്തിൽ മൂന്നു ബാറ്റർമാരുടെ തകർപ്പൻ സെഞ്ചറി കരുത്തിൽ 50 ഓവറിൽ ഏഴു വിക്കറ്റ് നഷ്ടത്തിൽ 405 റൺസാണ് വിൻഡീസ് അടിച്ചുകൂട്ടിയത്.
ഇന്ത്യയ്ക്ക് 406 റൺസ് വിജയലക്ഷ്യം. ഇന്ത്യയ്ക്കെതിരായ ഏകദിനത്തിൽ ഒരു ടീം ഏറ്റവും ഉയർന്ന മൂന്നാമത്തെ ടോട്ടലാണിത്. മൂന്ന് സെഞ്ചുറികള്‍ പിറന്ന വിന്‍ഡീസ് ബാറ്റിങ് ഇന്നിങ്‌സ് ക്രിക്കറ്റ് പ്രേമികള്‍ക്ക് വിരുന്നായി മാറി. ജോണ്‍ കാംബെല്‍ (101), ഷായ് ഹോപ് (104), അമിര്‍ ജാങ്കൂ (114) എന്നിവരാണ് സെഞ്ചുറി നേടിയത്. 68 പന്തിലാണ് കാംബെലിന്റെ വെടിക്കെട്ട് സെഞ്ചുറി നേട്ടം അവസാനിച്ചത്.ഇന്നിങ്‌സില്‍ അഞ്ച് സിക്‌സും ഒമ്പത് ഫോറും ഉണ്ടായിരുന്നു. 94 പന്തില്‍ മൂന്ന് സിക്‌സും എട്ട് സിക്‌സുകളുമായാണ് ഹോപ്പ് 104 റണ്‍സെടുത്തത്. 77 പന്തില്‍ മൂന്ന് സിക്‌സും 13 ഫോറുകളുമാണ് അമിര്‍ ജാങ്കൂയുടെ ഇന്നിങ്‌സിനെ മനോഹരമാക്കിയത്. 114 റണ്‍സിലെത്തിയ ജാങ്കൂവിന്റെ ഏകദിനത്തിലെ മികച്ച സ്‌കോറാണിത്.
ടോസ് നേടി ബാറ്റിങ്ങിന് ഇറങ്ങിയ വിന്‍ഡീസ് ഓപ്പണര്‍ കീസി കാര്‍ട്ടിയുടെ (9) വിക്കറ്റ് നഷ്ടമായിരുന്നു. പിന്നാലെ കാംപെല്‍ - ഹോപ്പ് സഖ്യം 110 റണ്‍സ് കൂട്ടിചേര്‍ത്തു. ഇതിനിടെ കാംപെല്‍ സെഞ്ചുറിയും പൂര്‍ത്തിയാക്കി. 68 പന്തുകള്‍ മാത്രം നേരിട്ട താരം അഞ്ച് സിക്‌സും ഒമ്പത് ഫോറും ഉള്‍പ്പെടെയാണ് 101 റണ്‍സ് നേടിയത്.തുടര്‍ന്നെത്തിയ ജാംഗോയും ഉത്തരവാദിത്തം ഏറ്റെടുത്തു. ക്യാപ്റ്റന്‍ ഹോപ്പിനൊപ്പം 182 റണ്‍സ് ചേര്‍ക്കാന്‍ ജാംഗോയ്ക്ക സാധിച്ചു. 40-ാം ഓവറിന്റെ അവസാന പന്തിലാണ് കൂട്ടുകെട്ട് പൊളിഞ്ഞത്. കുല്‍ദീപ് യാദവിന്റെ പന്തില്‍ അക്വിബ് നബിക്ക് ക്യാച്ച് നല്‍കി ഹോപ്പ് മടങ്ങി. 94 പന്തുകള്‍ നേരിട്ട താരം മൂന്ന് സിക്‌സും എട്ട് ഫോറും നേടിയിരുന്നു. പിന്നാലെ വിന്‍ഡീസിന്റെ ഇന്നിംഗ്‌സിന് വേഗം കുറയുകയാണ് ചെയ്തത്. ഷെഫാനെ റുതര്‍ഫോര്‍ഡ് (0) നേരിട്ട ആദ്യ പന്തില്‍ തന്നെ മടങ്ങി. ബ്രാറിനായിരുന്നു വിക്കറ്റ്.
ഇതിനിടെ സെഞ്ചുറി പൂര്‍ത്തിയാക്കിയ ജാംഗോ 43-ാം ഓവറിലും പുറത്തായി. ജഡേജയുടെ പന്തില്‍ റുതുരാജ് ഗെയ്ക്വാദിന് ക്യാച്ച്. കീമോ പോള്‍ (3), അല്‍സാരി ജോസഫ് (8) എന്നിവര്‍ക്ക് തിളങ്ങാന്‍ കഴിയാതെ പോയി. റോസ്റ്റണ്‍ ചേസിനാവട്ടെ (25 പന്തില്‍ 29) അവസാന ഓവറുകളില്‍ വലിയ ഷോട്ടുകള്‍ കളിക്കാന്‍ കഴിഞ്ഞതുമില്ല. ഷമാര്‍ ജോസഫ് (8 പന്തില്‍ 14) ചേസിനൊപ്പം പുറത്താവാതെ നിന്നു.
ബോളർമാരെ മാറ്റി മാറ്റി പരീക്ഷിച്ചിട്ടും വിക്കറ്റ് വീഴ്ത്താനാകാതെ പോയതോടെയാണ് വിൻഡീസ് കൂറ്റൻ സ്കോറിലേക്ക് കുതിച്ചത്. 40–ാം ഓവറിനു ശേഷമാണ് ഇന്ത്യയ്ക്കു വിക്കറ്റുകൾ വീഴ്ത്താൻ സാധിച്ചത്. അപ്പോഴേയ്ക്കും ടോട്ടൽ 300 കടന്നിരുന്നു. ഗുർനൂർ ബ്രാർ 10 ഓവറിൽ 96 റൺസ് വഴങ്ങിയപ്പോൾ അരങ്ങേറ്റക്കാരൻ അക്വിബ് നബി 8.5ഓവറിൽ 84 റൺസാണ് വിട്ടുകൊടുത്തത്. സ്പിന്നർമാരായ രവീന്ദ്ര ജഡേജ 10 ഓവറിൽ 75 റൺസും കുൽദീപ് യാദവ് 10 ഓവറിൽ 65 റൺസും വിട്ടുകൊടുത്തു.
Comments