ടൈപ്പ് 2 പ്രമേഹവും ഇന്‍സുലിന്‍ പ്രതിരോധവും നിയന്ത്രിക്കാന്‍ സഹായിക്കുന്ന ഭക്ഷണമാണ് ഗ്രീക്ക് യോഗര്‍ട്ട്. ഇതിലടങ്ങിയിരിക്കുന്ന പ്രോബയോട്ടിക്‌സുകളും ലാക്ടോബാസിലസ് ബാക്ടീരിയകളും ഇന്‍സുലിന്‍ ഉത്പാദനവും കുടലിന്റെ ആരോഗ്യവും മെച്ചപ്പെടുത്തുന്നു. ഗ്രീക്ക് യോഗര്‍ട്ടില്‍ ധാരാളമായി അടങ്ങിയിരിക്കുന്ന പ്രോബയോട്ടിക്‌സും (Probiotics) പ്രോട്ടീനും ആരോഗ്യത്തിന് ഏറെ ഗുണകരമാണ്.
രക്തത്തിലെ പഞ്ചസാരയുടെ അളവ് നിയന്ത്രിക്കുന്നു : സ്ഥിരമായി ഫെര്‍മെന്റ് ചെയ്ത ഡയറി ഉല്‍പ്പന്നങ്ങള്‍ കഴിക്കുന്നത് ഇന്‍സുലിന്‍ സംവേദനക്ഷമത (insulin sensitivity) വര്‍ദ്ധിപ്പിക്കാന്‍ സഹായിക്കും.
ഗുണം ചെയ്യുന്ന കുടല്‍ ബാക്ടീരിയകള്‍ : ഗ്രീക്ക് യോഗര്‍ട്ടില്‍ അടങ്ങിയിരിക്കുന്ന 'ലാക്ടോബാസിലസ്' (Lactobacillus) ബാക്ടീരിയകള്‍ കുടലിലെ നല്ല ബാക്ടീരിയകളുടെ അളവ് കൂട്ടാന്‍ സഹായിക്കുന്നു.
ഇന്‍സുലിന്‍ ഉത്പാദനം മെച്ചപ്പെടുത്തുന്നു : പ്രോബയോട്ടിക്‌സ് ശരീരത്തില്‍ ഇന്‍സുലിന്‍ ഉത്പാദനം സുഗമമാക്കുകയും ഷാകെയ്ന്‍ ഫാറ്റി ആസിഡുകള്‍ (Short-chain fatty acids) ഉത്പാദിപ്പിച്ച് രക്തത്തിലെ പഞ്ചസാരയുടെ അളവ് ശരിയായ രീതിയില്‍ നിലനിര്‍ത്താന്‍ സഹായിക്കുകയും ചെയ്യുന്നു.
അതുകൊണ്ട് ടൈപ്പ് 2 പ്രമേഹമോ ഇന്‍സുലിന്‍ പ്രതിരോധമോ ഉള്ളവര്‍ ഭക്ഷണക്രമത്തില്‍ ഗ്രീക്ക് യോഗര്‍ട്ട് ഉള്‍പ്പെടുത്തുന്നത് വളരെ നല്ലതാണ്.
Comments