കായംകുളം: സര്‍ക്കാര്‍ സര്‍വീസില്‍നിന്നു വിരമിച്ച ഉദ്യോഗസ്‌ഥരുടെ അറിവും പ്രവര്‍ത്തനപരിചയവും സംസ്‌ഥാനത്തിന്റെ വികസന പ്രവര്‍ത്തനങ്ങള്‍ക്ക്‌ പ്രയോജനപ്പെടുത്തണമെന്ന്‌ മന്ത്രി എം. ലിജു. കേരള ലാന്‍ഡ്‌ റവന്യൂ പെന്‍ഷനേഴ്‌സ്‌ അസോസിയേഷന്റെ പ്രഥമ സംസ്‌ഥാന സമ്മേളനം ഉദ്‌ഘാടനം ചെയ്യുകയായിരുന്നു അദ്ദേഹം.ഭൂമി ഏറ്റെടുക്കല്‍ ഉള്‍പ്പെടെയുള്ള വികസന പ്രവര്‍ത്തനങ്ങളിലും സാങ്കേതികവും ഭരണപരവുമായ മാര്‍ഗനിര്‍ദേശങ്ങള്‍ നല്‍കുന്നതിനും ഇവരുടെ സേവനം പ്രയോജനപ്പെടുത്താനാകും. ഇത്തരത്തിലുള്ള നിര്‍ദേശങ്ങള്‍ അസോസിയേഷന്‍ സര്‍ക്കാരിനു സമര്‍പ്പിക്കണമെന്നും മന്ത്രി പറഞ്ഞു.
അസോസിയേഷന്‍ സംസ്‌ഥാന പ്രസിഡന്റ്‌ പി. വി. നാരായണന്‍ അധ്യക്ഷത വഹിച്ചു. മുന്‍ ജനറല്‍ സെക്രട്ടറി നെല്ലിമൂട്‌ പ്രഭാകരന്‍ മുഖ്യപ്രഭാഷണം നടത്തി.
എം. മുരുകന്‍,തട്ടാരമ്പലം ജയകുമാര്‍, പി. എസ്‌. രാജീവ്‌, കെ. വി. സത്യപാലന്‍, കെ. ആര്‍. രവീന്ദ്രന്‍, എം. കെ. കൃഷ്‌ണന്‍ നമ്പൂതിരി, കെ. സി. കൃഷ്‌ണന്‍, പി. പി. ഗോവിന്ദ വാര്യര്‍, ടി.വി, ജോണ്‍, റിട്ട.ജസ്‌റ്റിസ്‌ മാത്യു ഫിലിപ്പ്‌, കെ. ശ്രീകണ്‌ഠന്‍, എസ്‌. ഗീത എന്നിവര്‍ പ്രസംഗിച്ചു.
ഭാരവാഹികളായി പി.വി.നാരായണന്‍ പാലക്കാട്‌ (പ്രസിഡന്റ്‌), കെ.ആര്‍ രവീന്ദ്രന്‍ കണ്ണൂര്‍ ,എം.കെ അബ്ബാസ്‌ കോഴിക്കോട്‌, പി.പി. ഗോവിന്ദവാര്യര്‍ ആലപ്പുഴ (വൈസ്‌ പ്രസിഡന്റുമാര്‍), ,എം.മുരുകന്‍ തിരുവനന്തപുരം (ജനറല്‍ സെക്രട്ടറി), വി.രാഘവന്‍ കാസര്‍ഗോഡ്‌, കെ.വി. സത്യപാലന്‍ എറണാകുളം , തട്ടാരമ്പലം ജയകുമാര്‍ ആലപ്പുഴ(സെക്രട്ടറിമാര്‍) ,കെ.ശ്രീകണ്‌ഠന്‍ തിരുവനന്തപുരം (ട്രഷറര്‍), എസ്‌. ഗീത തിരുവനന്തപുരം(വനിതാ കണ്‍വീനര്‍) എന്നിവരെ തെരഞ്ഞെടുത്തു .
Comments