തിരുവനന്തപുരം: ട്രെയിനുകളിലും പരിസരത്തും മറ്റ് യാത്രക്കാര്‍ക്ക് ബുദ്ധിമുട്ടുണ്ടാക്കും വിധം ഉച്ചത്തില്‍ പാട്ട് കേള്‍ക്കുകയോ ഫോണില്‍ സംസാരിക്കുകയോ ചെയ്താല്‍ ഇനി പിഴ ഈടാക്കും. ഇത്തരം പെരുമാറ്റങ്ങള്‍ക്ക് 1, 000 രൂപ പിഴ ഈടാക്കാനാണ് തീരുമാനം.
ട്രെയിന്‍ കോച്ചുകള്‍ ഉള്‍പ്പെടെയുളള റെയില്‍വേ പരിസരങ്ങളില്‍ നിന്ന് ഇവരെ പുറത്താക്കുകയും ചെയ്യും. ഇത് ആവര്‍ത്തിക്കുന്നവര്‍ക്ക് 6 മാസം വരെ തടവുശിക്ഷയും 5, 000 രൂപ വരെ പിഴയും നേരിടേണ്ടി വരും. ഇത് സംബന്ധിച്ച് സതേണ്‍ റെയില്‍വേ ഉത്തരവിറക്കി. മറ്റിടങ്ങളിലേക്കും വൈകാതെ നടപ്പാകും.
മറ്റ് യാത്രക്കാരുടെ സഞ്ചാരത്തെയും സമാധാനത്തെയും ബാധിക്കുന്ന ഇത്തരം പ്രവണതകള്‍ തടയാന്‍ മറ്റ് റെയില്‍വേ സോണുകള്‍ക്കും മെട്രോ സര്‍വീസുകള്‍ക്കും ഈ വ്യവസ്ഥ ഉപയോഗിക്കാമെന്ന് ഉദ്യോഗസ്ഥര്‍ വ്യക്തമാക്കി.
നിയമപ്രകാരം മെട്രോ റെയിലുകളില്‍ ശല്യമുണ്ടാക്കുന്നത് പുഴ ഈടാക്കാവുന്ന കുറ്റമാണ്, കൂടാതെ ഇങ്ങനെയുളളവരെ േകാച്ചുകളില്‍ നിന്ന് പുറത്താക്കാനും സാധിക്കും.
Comments