ന്യൂഡല്ഹി: അനധികൃത സ്വത്ത് കേസില് ഹിമാചല് പ്രദേശ് മുന് മുഖ്യമന്ത്രി വീര്ഭദ്ര സിംഗിനെതിരെ സി.ബി.ഐ കുറ്റപത്രം സമര്പ്പിച്ചു. അദ്ദേഹത്തിന്റെ ഭാര്യ പ്രതിഭ സിംഗും കേസില് പ്രതിയാണ്. വെള്ളിയാഴ്ചയാണ് സി.ബി.ഐ കുറ്റപത്രം സമര്പ്പിച്ചത്. തനിക്കും ഭാര്യയ്ക്കുമെതിരെ സി.ബി.ഐ രജിസ്റ്റര് ചെയ്ത എഫ്.ഐ.ആര് റദ്ദാക്കണമെന്ന് ആവശ്യപ്പെട്ട് ഡല്ഹി ഹൈക്കോടതിയില് വീര്ഭദ്ര സിംഗ് സമര്പ്പിച്ച ഹര്ജി തള്ളിയിരുന്നു. ഇതിന് പിന്നാലെയാണ് സി.ബി.ഐ കുറ്റപത്രം സമര്പ്പിച്ചത്.
സിംഗിനെതിരായ ആരോപണങ്ങള് ഗുരുതരമാണെന്ന് സി.ബി.ഐ കുറ്റപത്രത്തില് ചൂണ്ടിക്കാട്ടി. വീര്ഭദ്ര സിംഗ് വന് തുക അഴിമതിയിലൂടെ സമ്പാദിച്ചുവെന്നും സി.ബി.ഐ കുറ്റപത്രത്തില് ചൂണ്ടിക്കാട്ടി. അദ്ദേഹത്തെയും ഭാര്യയെയും സംസ്ഥാന സര്ക്കാര് സംരക്ഷിക്കുകയായിരുന്നുവെന്നും സി.ബി.ഐ ചൂണ്ടിക്കാട്ടി. വീര്ഭദ്ര സിംഗ് അനധികൃത സ്വത്ത് സമ്പാദിച്ചുവെന്ന കേസില് 2016 സെപ്റ്റംബര് 23നാണ് സി.ബി.ഐ കേസ് രജിസ്റ്റര് ചെയ്തത്.
