തിരുവനന്തപുരം: മകന്റെ നീതിക്കുവേണ്ടി പോരാടിയ തന്നോട് പോലീസ് പെരുമാറിയത്അതിക്രൂരമായാണെന്ന് മരിച്ച ജിഷ്ണു പ്രണോയിയുടെ അമ്മ മഹിജ. പോലീസ് നടപടിയില് പരിക്കേറ്റ് മെഡിക്കല് കോളേജ് ആശുപത്രിയില് ചികിത്സയില് കഴിയുന്ന മഹിജ മാധ്യമങ്ങളോട് പ്രതികരിക്കുകയായിരുന്നു.
തന്റെ സഹോദരനെയാണ് ആദ്യം അവര് മര്ദ്ദിച്ചത്. പിന്നാലെ തനിക്കെതിരെ പോലീസ് നീങ്ങുകയായിരുന്നു. ആദ്യം നിലത്തിട്ടു ചവിട്ടി. തന്നെ അവശയാക്കിയതിനു ശേഷം റോഡിലൂടെ വലിച്ചിഴയ്ക്കുകയായിരുന്നുവെന്നും മഹിജ പറഞ്ഞു. എന്റെ കുഞ്ഞിനുവേണ്ടി മരണം വരെ താനും കുടുംബവും പോരാടുമെന്നും അമ്മ മഹിജ വ്യക്തമാക്കി.
ഇന്ന് രാവിലെയാണ് ജിഷ്ണു പ്രണോയിക്ക് നീതി കിട്ടണമെന്നാവശ്യപ്പെട്ട് അമ്മ മഹിജയും കുടുംബവും ഡിജിപി ആസ്ഥാനത്ത് സമരത്തിനെത്തിയത്. പിന്നാലെ ഇവരെ പോലീസ് ബലം പ്രയോഗിച്ച് അറസ്റ്റുചെയ്തു നീക്കുകയായിരുന്നു.
