പറ്റ്ന: ബിഹാര് മുന് മുഖ്യമന്ത്രിയും ആര്ജെഡി നേതാവ് ലാലു പ്രസാദ് യാദവിന്റെ ഭാര്യയുമായ റാബ്രി ദേവി മക്കള്ക്ക് വധുക്കളെ തേടുന്നു. ഷോപ്പിങ് മാളുകളില് കയറിയിറങ്ങുന്ന പരിഷ്കാരി പെണ്ണുകളെ വേണ്ടെന്നും നാടന് തരൂണീമണികളെ മതിയെന്നും റാബ്രി ദേവി വ്യക്തമാക്കി.
ബിഹാര് മന്ത്രിസഭയിലെ മന്ത്രിമാരാണ് റാബ്രി ദേവിയുടെ മക്കളായ തേജ് പ്രതാപും തേജസ്വി പ്രസാദും. തേജസ്വി പ്രസാദ് ഉപമുഖ്യമന്ത്രിയും തേജ് പ്രതാപ് ആരോഗ്യമന്ത്രിയുമാണ്. ലാലു പ്രസാദിന്റെ എഴുപതാം ജന്മദിനത്തിലാണ് റാബ്രി ദേവി ഭാവി മരുമകളെക്കുറിച്ചുള്ള സങ്കല്പം വെളിപ്പെടുത്തിയത്.
സംസ്കാര സമ്പന്നരായ പെണ്കുട്ടികളെയാണ് തന്റെ മക്കള്ക്കായി വേണ്ടത്. പ്രത്യേകിച്ച് വലിയ മതവിശ്വാസിയായ തേജ് പ്രതാപിന്. നന്നായി വീടു നോക്കുന്ന, മുതിര്ന്നവരെ ബഹുമാനിക്കുന്ന, തന്നെപ്പോലെ വീടിനു പുറത്തെ കാര്യങ്ങളും നോക്കാനറിയുന്ന പെണ്കുട്ടികളാകണം എന്നാണ് ദേവി പറഞ്ഞത്.
ഷോപ്പിങ് മാള് നിര്മ്മാണവുമായി ബന്ധപ്പെട്ട ലാലു പ്രസാദിന്റെ കുടുംബത്തെ ചുറ്റിപ്പറ്റി വിവാദങ്ങള് നിലനില്ക്കുന്ന സാഹചര്യത്തിലാണ് റാബ്രിദേവിയുടെ പ്രസ്താവനയെന്നാണ് കൗതുകം.
