ന്യൂഡല്ഹി : ഇന്ത്യ-പാക് അതിര്ത്തികളില് ഫ്ളഡ്ലൈറ്റുകള് തെളിയിച്ച് സംരക്ഷിക്കുന്നതിന് തെളിവായി സ്പെയിന്-മൊറോക്കോ അതിര്ത്തിയുടെ ദൃശ്യം ആഭ്യന്തര മന്ത്രാലയത്തിന്റെ വാര്ഷിക റിപ്പോര്ട്ടില് ഉള്പ്പെടുത്തിയ സംഭവത്തില് അന്വേഷണത്തിന് ഉത്തരവിട്ടു. രാജ്യ സുരക്ഷയുടെ ഭാഗമായി ആഭ്യന്തര മന്ത്രാലയം നടത്തുന്ന പ്രവര്ത്തനങ്ങള് വിവരിക്കുന്ന വാര്ഷിക റിപ്പോര്ട്ടിലാണ് ചിത്രംമാറിയത്. ഇക്കാര്യത്തില് അതിര്ത്തി രക്ഷാസേനയോട് കേന്ദ്ര ആഭ്യന്തരമന്ത്രാലയ സെക്രട്ടറി രാജീവ് മെഹ്റിഷി വിശദീകരണം ആവശ്യപ്പെട്ടു.
ഭീകരരെയും നുഴഞ്ഞുകയറ്റക്കാരെയും തടയുന്നതിന്റെ ഭാഗമായി ഇന്ത്യയും പാകിസ്ഥാനും ബംാദേശും ചേര്ന്ന് പങ്കിടുന്ന 647 കി.മീ അതിര്ത്തിയില് ഫ്ലഡ്ലൈറ്റുകള് സ്ഥാപിച്ചെതായി ഗവണ്മെന്റ് വ്യക്തമാക്കിയിരുന്നു. ഇതിന് തെളിവായി കാണിച്ച ചിത്രമാണ് വിവാദമായി മാറിയത്. റിപ്പോര്ട്ടില് തെളിവായി കാട്ടിയിട്ടുള്ള ചിത്രം 2006ല് സ്പാനിഷ് ഫോട്ടോഗ്രാഫര് ജാവിയര് മോയാനോ പകര്ത്തിയ ചിത്രമാണെന്ന് ആല്ട്ട് ന്യൂസ് റിപ്പോര്ട്ട് ചെയ്തിരുന്നു.
