ന്യൂഡല്ഹി: ഉത്തര്പ്രദേശ് മുഖ്യമന്ത്രിയും ബിജെപിയുടെ മുഖവുമായ യോഗി ആദിത്യനാഥിനെതിരെ ആരോപണവുമായി ആദിവാസി യുവതി. സമൂഹമാധ്യമങ്ങള് വഴി നഗ്നചിത്രങ്ങള് പ്രചരിപ്പിച്ചതായാണ് യുവതി ആരോപിച്ചിരിക്കുന്നത്. മുഖ്യമന്ത്രിക്ക് പുറമെ അസമില്നിന്നുള്ള ബിജെപി എംപി രാം പ്രസാദ് ശര്മയ്ക്കും എതിരെ പരാതി നല്കിയിരിക്കുന്നത്.
പട്ടികവര്ഗ്ഗ വിഭാഗത്തില്പ്പെടുന്ന ലക്ഷ്മി ഓറാങ് എന്ന സ്ത്രീയാണ് പരാതിയുമായി രംഗത്ത് വന്നിരിക്കുന്നത്. വിവിധ വകുപ്പുകള് ചുമത്തി സബ്ഡിവിഷണല് ജുഡീഷ്യല് മജിസ്ട്രേറ്റിനാണ് യുവതി ഹര്ജി നല്കിയിരിക്കുന്നതെന്ന് ദേശീയ മാധ്യമങ്ങള് റിപ്പോര്ട്ട് ചെയ്തിരിക്കുന്നത്.
10 വര്ഷം മുന്പ് ഗുവാഹാത്തിയില് ഒരു സമരത്തിനിടെ പകര്ത്തിയ ചിത്രങ്ങള് സോഷ്യല് മീഡിയ വഴി പ്രചരിപ്പിച്ചതായാണ് യുവതിയുടെ ആരോപണം. ജൂണ് 13നാണ് ചിത്രം പ്രചരിപ്പിച്ച് ചിത്രത്തിനെതിരെയാണ് വന്നിരിക്കുന്നത്. അസം ആദിവാസി സ്റ്റുഡന്റ്സ് അസോസിയേഷന് (എഎഎസ്എഎ) ബെല്ട്ടോളയില് 2007 നവംബറില് നടത്തിയ പ്രക്ഷോഭത്തിനിടയില് പകര്ത്തിയ ചിത്രമാണിതെന്നും യുവതി അരോപിച്ചു. ബിജെപി പ്രവര്ത്തകയായാണ് യുവതി സമരത്തില് പങ്കെടുത്തതെന്ന ആദിത്യനാഥിന്റെ പ്രഖ്യാപനവും യുവതി തള്ളിക്കളഞ്ഞിട്ടുണ്ട്.
എന്നാല് താന് പോസ്റ്റ് ഷെയര് ചെയ്യുക മാത്രമാണ് ചെയ്തതെന്നും യുവതിയ്ക്ക് നീതി ലഭ്യമാക്കുന്നതിനാണ് അങ്ങനെ ചെയ്തതെന്നും രാംപ്രസാദ് ശര്മ എം പി സ്ഥിരീകരിച്ചു. എന്നാല് യുവതിയുടെ ചിത്രം പോസ്റ്റ് ചെയ്തത് യോഗി ആദിത്യനാഥിന്റെ പേരില് വ്യാജമായി ഉണ്ടാക്കിയ അക്കൗണ്ടില് നിന്നുമാണെന്ന് വ്യക്തമായതായി പോലീസ് അറിയിച്ചു.
