കൊച്ചി: അപായപ്പെടുത്താന് ശ്രമമെന്നു ചൂണ്ടിക്കാട്ടി പി.ടി. തോമസ് എം.എല്.എ. പോലീസില് പരാതി നല്കി. എം.എല്.എ. സഞ്ചരിച്ച ഇന്നോവ കാറിന്റെ നാലു ടയറുകളുടെയും നട്ടുകള് ഇളക്കിയ നിലയില് കണ്ടെത്തിയെന്നാണു പരാതി. ഞായറാഴ്ച െവെകിട്ട് ആറരയോടെയായിരുന്നു സംഭവമെന്നു പരാതിയില് പറയുന്നു. വഴിയാത്രക്കാരാണ് ടയര് ഇളകിയതു ശ്രദ്ധിയില്പ്പെടുത്തിയതെന്നും വാഹനം നിര്ത്തി പരിശോധിച്ചപ്പോള് നാല് ടയറിന്റെയും നട്ടുകള് ഇളകിയ നിലയില് കണ്ടെത്തിയെന്നും പരാതിയില് വ്യക്തമാക്കുന്നു.
ഇന്നലെ ഉച്ചകഴിഞ്ഞ് പാലാരിവട്ടം പോലീസ് സ്റ്റേഷനിലാണു പരാതി നല്കിയത്. മൂന്നു ദിവസം മുമ്പു ടൊയോട്ടയില് സര്വീസ് നടത്തിയ കാറാണിെതന്നും സര്വീസ് സെന്ററില്നിന്ന് ആളുകളെത്തി പരിശോധിച്ചപ്പോള് നട്ടുകള് ഇളക്കിയതാണെന്നു വ്യക്തമായിട്ടുണ്ടെന്നും അദ്ദേഹം പരാതിയില് ചൂണ്ടിക്കാട്ടി. നടിയെ തട്ടിക്കൊണ്ടുപോയി ആക്രമിച്ച കേസില് ശക്തമായ നിലപാടുമായി മുന്നില് നിന്നത് പി.ടി. തോമസ് എംഎല്എ ആയിരുന്നു.
കേസില് കഴിഞ്ഞ ദിവസമാണ് എംഎല്എയുടെ മൊഴി പോലീസ് എടുത്തത്. നടി ആക്രമിക്കപ്പെട്ട ഉടന് വിവരമറിഞ്ഞ എംഎല്എയാണ് വിവരം അറിഞ്ഞ ഉടന് എത്തുകയും നടിയുമായി സംസാരിക്കുകയും ചെയ്തിരുന്നു. തുടര്ന്ന് എംഎല്എ യാണ് വിവരം പോലീസില് റിപ്പോര്ട്ട് ചെയ്തതും. കേസിന്റെ അന്വേഷണ പുരോഗതി കൃത്യമായി വിലയിരുത്തുകയും ചെയ്യുന്നുണ്ട്. കേസിലെ മുഖ്യപ്രതി പള്സര് സുനിക്ക് മനുഷ്യക്കടത്തുമായി ബന്ധമുണ്ടെന്ന് വരെ ആരോപിച്ചിരുന്നു.
