കൊച്ചി: ''ആ അങ്കിളാണ് എന്നെ തല്ലിയത്.'' മനുഷ്യാവകാശ കമ്മിഷനു മുന്നില് ഏഴു വയസുകാരന് തനിക്കുനേരേ വിരല് ചൂണ്ടിയപ്പോള് എറണാകുളം ഡി.സി.പിയായിരുന്ന യതീഷ് ചന്ദ്ര സ്തബ്ധനായി. പുതുവൈപ്പ് സ്വദേശിയായ ബാലന്റെ മൊഴി കേട്ടുനിന്ന എല്ലാവരെയും അമ്പരപ്പിച്ചു. ഐ.പി.എസ്. ഉദ്യോഗസ്ഥനു പോലും ബാല്യത്തിന്റെ നിഷ്കളങ്കതയ്ക്കു മുന്നില് പിടിച്ചുനില്ക്കാനാകില്ലെന്ന സത്യത്തിനാണ് ഇന്നലെ കാക്കനാട് കലക്ടറേറ്റ് കോണ്ഫറന്സ് ഹാള് സാക്ഷ്യംവഹിച്ചത്.
കൊച്ചി പുതുെവെപ്പിലെ ഐ.ഒ.സിയുടെ എല്.എന്.ജി. സംഭരണകേന്ദ്രത്തിനെതിരേ സമരം ചെയ്തവര്ക്കുനേരേ നടന്ന പോലീസ് അതിക്രമം പരിഗണിച്ച മനുഷ്യാവകാശ കമ്മിഷന് സിറ്റിങ്ങായിരുന്നു വേദി. സമരം ഒത്തുതീര്പ്പാക്കണമെന്നാവശ്യപ്പെട്ട് പുതുെവെപ്പ് നിവാസികള് കൊച്ചി മെട്രോ റെയില് ഉദ്ഘാടനം ചെയ്യാന് പ്രധാനമന്ത്രി എത്തുന്നതിന്റെ തലേന്നു െഹെക്കോടതി ജങ്ഷനില് റോഡ് ഉപരോധിച്ചിരുന്നു.
പ്രധാനമന്ത്രിയുടെ സുരക്ഷയ്ക്കായി പോലീസ് ക്രമീകരണങ്ങള് നടത്തുന്നതിനിടെയായിരുന്നു ഉപരോധം. പിരിഞ്ഞുപോകാന് നിര്ദേശിച്ചിട്ടും സമരം തുടര്ന്നവരെ പോലീസ് ലാത്തിച്ചാര്ജ് ചെയ്യുകയായിരുന്നു. ഡി.സി.പി. യതീഷ് ചന്ദ്രയുടെ നേതൃത്വത്തിലായിരുന്നു പോലീസ് നടപടി. ലാത്തിച്ചാര്ജില് സ്ത്രീകള്ക്കും കുട്ടികള്ക്കും പരുക്കേറ്റിരുന്നു. പോലീസ് സമരക്കാരെ നേരിടുന്ന ദൃശ്യങ്ങള് ടിവി ചാനലുകള് പുറത്തുവിട്ടതോടെ മനുഷ്യാവകാശ കമ്മിഷന് സ്വമേധയാ എടുത്ത കേസിന്റെ സിറ്റിങ്ങാണ് ഇന്നലെ നടന്നത്. സ്ത്രീകളും കുട്ടികളും വയോധികരും അടക്കമുള്ളവര് മൊഴി നല്കാനായി മനുഷ്യാവകാശ കമ്മിഷന് ആക്ടിങ് ചെയര്മാന് പി. മോഹനദാസിനു മുന്നിലെത്തിയിരുന്നു.
യതീഷ് ചന്ദ്ര അടക്കമുള്ള പോലീസ് ഉദ്യോഗസ്ഥരെയും കമ്മിഷന് വിളിച്ചുവരുത്തിയിരുന്നു. പോലീസ് അതിക്രമത്തെക്കുറിച്ച് മൊഴിനല്കാനെത്തിയ പ്രദേശവാസികള് ലാത്തിയടിയേറ്റ ഏഴു വയസുകാരനെ ഒപ്പംകൂട്ടിയിരുന്നു. മൊഴി രേഖപ്പെടുത്തുന്നതിനിടയില് യതീഷ് ചന്ദ്രയുടെ ഫോട്ടോ കുട്ടി തിരിച്ചറിഞ്ഞു. പിന്നീട് ഉദ്യോഗസ്ഥന് കമ്മിഷനു മുന്നില് ഹാജരായതോടെയാണ് മാതാപിതാക്കളോടൊപ്പം സമരത്തിനെത്തിയ തന്നെയും സഹോദരനെയും തല്ലിയത് അദ്ദേഹമാണെന്നു കുട്ടി ആവര്ത്തിച്ചത്.
