റോത്തഹ്: ബലാത്സംഗ കേസില് 20 വര്ഷം തടവു ശിക്ഷയ്ക്ക് വിധിച്ച ദേരാ സച്ചാ സൗദാ തലവനും, വിവാദ ആള്ദൈവവുമായ ഗുര്മീത് റാം റഹിം സിങ്ങിന്റെ മനോനില തെറ്റി എന്ന വെളിപ്പെടുത്തലിനു പിന്നാലെ ഗുര്മീതിന്റെ ദിനചര്യകളെക്കുറിച്ച് കൂടുതല് വിവരങ്ങള് പുറത്ത്.കഴിഞ്ഞ ദിവസം ജാമ്യത്തിലിറങ്ങിയ ജയിലിലെ സഹതടവുകാരനാണ് ഞെട്ടിക്കുന്ന വെളിപ്പെടുത്തല് നടത്തിയിരിക്കുന്നത്.
ജയിലിലെ സാധാരണ തടവുകാരനെന്ന പരിഗണന തന്നെയാണ് ഗുര്മീതിനു ലഭിക്കുന്നതെന്നും, വിഐപി പരിഗണന ലഭിക്കുന്നുവെന്ന പ്രചരണം തെറ്റാണെന്നും സഹതടവുകാരന് പറയുന്നു. ഗുര്മീത് ജയിലില് എത്തിയതിനു പിന്നാലെ തനിയെ ഇരുന്ന് സംസാരത്തോട് സംസാരമായിരുന്നുവെന്നും, പഞ്ചാബിയില് 'എന്റെ വിധി എന്താ ദൈവമേ' എന്ന് ആവര്ത്തിച്ച് പറഞ്ഞുകൊണ്ട് തന്നെ ഇരിക്കുകയാണെന്നും ഇയാള് വെളിപ്പെടുത്തിയിരുന്നു.
വിധി അറിഞ്ഞശേഷം ജയില് മുറിയില് എത്തിയ ആള്ദൈവം മുട്ടുകുത്തി എനിക്കിനി ജീവിക്കേണ്ട, എന്നെ തൂക്കിലേറ്റണമെന്ന് കരഞ്ഞപേക്ഷിക്കുന്നതായും വെളിപ്പെടുത്തല് പുറത്ത്. ജയില് മുറിയിലെ ആദ്യ രാത്രിയില് ഉറങ്ങാതെ കുത്തിയിരുന്ന ഗുര്മീത് പിന്നീട് അഞ്ച് ദിവസങ്ങളില് ഒന്നു കഴിച്ചിരുന്നില്ലായെന്നും പറയുന്നു. നേരത്തെ, 20 വര്ഷം തടവ് ശിക്ഷ ലഭിച്ച് അന്ന് റോത്തഹ് ജയിലില് ഗുര്മീത് റാം ഉറങ്ങാതെ രാത്രി കഴിച്ചുകൂട്ടിയെന്ന് റിപ്പോര്ട്ടുകള് പുറത്തുവന്നിരുന്നു.
