ഹൈദരാബാദ്: സംസ്ഥാനത്ത് സമൃദ്ധമായ മഴ ലഭിക്കാനും നദികളിലെ ജലനിരപ്പ് ഉയരാനും ജലസംഭരണികൾ നിറയാനും തെലങ്കാന സർക്കാർ വരുണയാഗം നടത്തും. ഓഗസ്റ്റ് 10ന് നാഗാർജുനസാഗറിൽ വരുണയാഗം നടത്താൻ മുഖ്യമന്ത്രി എ. രേവന്ത് റെഡ്ഡി തീരുമാനിച്ചു. ജലസേചന മന്ത്രി എൻ. ഉത്തം കുമാർ റെഡ്ഡിയുടെ നേതൃത്വത്തിലായിരിക്കും യാഗച്ചടങ്ങുകൾ.
തെലങ്കാനയിലുടനീളം ധാരാളം മഴ ലഭിക്കാനും കർഷക സമൂഹത്തിന്റെ അഭിവൃദ്ധിക്കും വേണ്ടി പ്രാർഥനകൾ നടത്തണമെന്ന മുഖ്യമന്ത്രിയുടെ നിർദേശത്തെ തുടർന്നാണ് തീരുമാനം. മുഖ്യമന്ത്രിയുടെ നിർദേശപ്രകാരം യാദഗിരിഗുട്ട ശ്രീ ലക്ഷ്മി നരസിംഹ സ്വാമി ക്ഷേത്രത്തിലെ പൂജാരിമാരുമായും വേദപണ്ഡിതന്മാരുമായും കൂടിയാലോചിച്ചാണ് ഓഗസ്റ്റ് 10ന് യാഗം നടത്താൻ തീരുമാനിച്ചതെന്ന് യാദഗിരിഗുട്ട ദേവസ്ഥാനം ട്രസ്റ്റി ബോർഡ് ചെയർമാൻ എം.എസ്.എൻ. റെഡ്ഡി അറിയിച്ചു.
നാഗാർജുനസാഗർ ജലസംഭരണിയുടെ തീരത്തെ വിജയ വിഹാർ പരിസരത്താണ് പ്രത്യേക പ്രാർഥനകളും യാഗവും നടക്കുക. എൻഡോവ്മെന്റ് വകുപ്പിന്റെ ആഭിമുഖ്യത്തിൽ നടക്കുന്ന ചടങ്ങുകളുടെ ക്രമീകരണങ്ങൾക്ക് മന്ത്രി ഉത്തം കുമാർ റെഡ്ഡി നേതൃത്വം നൽകും.
സമൃദ്ധമായ കാർഷിക സീസണും മികച്ച വിളവെടുപ്പും സംസ്ഥാനത്തെ കർഷകരുടെ ക്ഷേമവും ലക്ഷ്യമിട്ടാണ് വേദചടങ്ങുകൾ സംഘടിപ്പിക്കുന്നത്. ഒരു ദിവസം നീണ്ടുനിൽക്കുന്ന യാഗച്ചടങ്ങുകൾ വൈകുന്നേരം നടക്കുന്ന മഹാപൂർണാഹുതിയോടെ സമാപിക്കും. സമാപന ചടങ്ങിൽ മുഖ്യമന്ത്രി രേവന്ത് റെഡ്ഡി പങ്കെടുക്കും.
തെലങ്കാനയിലുടനീളം ധാരാളം മഴ ലഭിക്കാനും കർഷക സമൂഹത്തിന്റെ അഭിവൃദ്ധിക്കും വേണ്ടി പ്രാർഥനകൾ നടത്തണമെന്ന മുഖ്യമന്ത്രിയുടെ നിർദേശത്തെ തുടർന്നാണ് തീരുമാനം. മുഖ്യമന്ത്രിയുടെ നിർദേശപ്രകാരം യാദഗിരിഗുട്ട ശ്രീ ലക്ഷ്മി നരസിംഹ സ്വാമി ക്ഷേത്രത്തിലെ പൂജാരിമാരുമായും വേദപണ്ഡിതന്മാരുമായും കൂടിയാലോചിച്ചാണ് ഓഗസ്റ്റ് 10ന് യാഗം നടത്താൻ തീരുമാനിച്ചതെന്ന് യാദഗിരിഗുട്ട ദേവസ്ഥാനം ട്രസ്റ്റി ബോർഡ് ചെയർമാൻ എം.എസ്.എൻ. റെഡ്ഡി അറിയിച്ചു.
നാഗാർജുനസാഗർ ജലസംഭരണിയുടെ തീരത്തെ വിജയ വിഹാർ പരിസരത്താണ് പ്രത്യേക പ്രാർഥനകളും യാഗവും നടക്കുക. എൻഡോവ്മെന്റ് വകുപ്പിന്റെ ആഭിമുഖ്യത്തിൽ നടക്കുന്ന ചടങ്ങുകളുടെ ക്രമീകരണങ്ങൾക്ക് മന്ത്രി ഉത്തം കുമാർ റെഡ്ഡി നേതൃത്വം നൽകും.
സമൃദ്ധമായ കാർഷിക സീസണും മികച്ച വിളവെടുപ്പും സംസ്ഥാനത്തെ കർഷകരുടെ ക്ഷേമവും ലക്ഷ്യമിട്ടാണ് വേദചടങ്ങുകൾ സംഘടിപ്പിക്കുന്നത്. ഒരു ദിവസം നീണ്ടുനിൽക്കുന്ന യാഗച്ചടങ്ങുകൾ വൈകുന്നേരം നടക്കുന്ന മഹാപൂർണാഹുതിയോടെ സമാപിക്കും. സമാപന ചടങ്ങിൽ മുഖ്യമന്ത്രി രേവന്ത് റെഡ്ഡി പങ്കെടുക്കും.
Comments