തിരുവനന്തപുരം: വീടുകയറി നടത്തിയ അജ്ഞാതസംഘത്തിന്റെ ആക്രമണത്തില് പരിക്കേറ്റ് കെഎസ്ആര്ടിസി ജീവനക്കാരനായ കോണ്ഗ്രസ് നേതാവ് ആശുപത്രിയില് ചികിത്സയില്. ജനനേന്ദ്രിയം മുറിക്കുകയും കയ്യും കാലും തല്ലിയൊടിക്കുകയും ചെയ്തു. കെഎസ്ആര്ടിസി യില് എംപാനല് ജീവനക്കാരന് കൂടിയായ ഊരൂട്ടമ്പലം മാറാനെല്ലൂര് സജികുമാറിന് നേരേയാണ് ആക്രമണമുണ്ടായത്. മെഡിക്കല് കോളേജില് ചികിത്സയിലാണ്.
രണ്ടു കൈകളും കാലുകളും തല്ലിയൊടിച്ച നിലയിലാണ് ആശുപത്രിയില് പ്രവേശിപ്പിച്ചത് ജനനേന്ദ്രിയത്തിനും മുറിവ് പറ്റിയിട്ടുണ്ട്. ഇന്നലെ രാത്രി വീട്ടിലെത്തിയ ആറംഗ സംഘമായിരുന്നു ആക്രമണം നടത്തിയത്. രാത്രി 12 മണിയോടെ വീട്ടിലെ വൈദ്യുതി ബന്ധം വിഛേദിച്ച ശേഷമായിരുന്നു ആക്രമണം നടത്തിയത്. ഗുരുതരമായി പരിക്കേറ്റതിനെ തുടര്ന്ന് സജികുമാറിനെ തീവ്രപരിചരണ വിഭാഗത്തില് പ്രവേശിപ്പിച്ചിരിക്കുകയാണ്.
തിരുവനന്തപുരം കാട്ടാക്കട മണ്ഡലം കമ്മറ്റി സെക്രട്ടറിയാണ് 47കാരനായ സജികുമാര്. ആക്രമണത്തിന് ശേഷം വീട്ടിലേക്ക് ഓടിക്കൂടിയവരാണ് സജികുമാറിനെ ആശുപത്രിയില് പ്രവേശിപ്പിച്ചത്. ഗുരുതരമായി പരിക്കേറ്റ സംഭവമായിട്ടും അക്രമസംഭവത്തില് പോലീസ് ഇടപെടുന്നില്ലെന്നാണ് കോണ്ഗ്രസ് പ്രവര്ത്തകരുടെ ആരോപണം. രാഷ്ട്രീയസംഘര്ഷമാണ് സംഭവത്തിന് പിന്നിലെന്നാണ് പ്രാഥമിക നിഗമനം.
കെഎസ്ആര്ടിസി എംപാനല് കണ്ടക്ടറാണ് സജികുമാര്.
