പഞ്ചകുല: സാധ്വികളെ പീഡിപ്പിച്ചതിന് 20 വര്ഷം തടവുശിക്ഷ കിട്ടിയ ദേരാ സച്ചാ സൗദാ തലവന് ഗുര്മീത് രാം റഹീം സിംഗ് ദേരയുടെ പേരിലുള്ള ആഡംബര കാറുകളുടെ കാര്യത്തിലും കുടുങ്ങും. റജിസ്ട്രേഷനില് പേരും നാളും റജിസ്ട്രേഷനുമെല്ലാം വിഭിന്നമായ ഇന്ത്യന് വിപണിയില് എത്തും മുമ്പ് തന്നെ ദേരയില് ഉപയോഗിക്കപ്പെട്ട വന്കിട വാഹനങ്ങളുടെ കാര്യത്തില് ഗുരുതരമായ ക്രമക്കേടാണ് കണ്ടെത്തിയിരിക്കുന്നത്. ഒരു കോടിക്ക് മുകളില് വില വരുന്ന ആഡംബര വാഹനങ്ങളില് വന് തട്ടിപ്പ് നടത്തിയെന്നാണ് ആരോപണം ഉയര്ന്നിരിക്കുകയാണ്.
ഗുര്മീത് അനധികൃതമായിട്ടാണ് കാറുകള് ഇറക്കുമതി ചെയ്തതെന്ന രഹസ്യാന്വേഷണ വിഭാഗത്തിന്റെ കണ്ടെത്തലിന്റെ പശ്ചാത്തലത്തില് ഹരിയാന അന്വേഷണസംഘം പ്രത്യേക വിഭാഗത്തെ നിയോഗിച്ചു. ബലാത്സംഗക്കേസില് ഗുര്മീത് കുറ്റക്കാരനാണെന്ന് കണ്ടെത്തിയ ആഗസ്റ്റ് 25 ന് അകമ്പടിയായി എട്ട് സ്പോര്ട്ടസ് യൂട്ടിലിറ്റി വെഹിക്കിളുകളാണ് പഞ്ചകുലയുടെ ഗേറ്റ് കടന്നത്. എട്ടില് ബുള്ളറ്റ്പ്രൂഫ് സംവിധാനമുള്ള ഒരെണ്ണം ഉള്പ്പെടെ മൂന്ന് കാറുകളില് ക്രമക്കേട് കണ്ടെത്തി. ഇന്ത്യയില് വില്പ്പനയ്ക്ക് എത്തുന്നതിന് മുമ്പ് തന്നെ ദേരാ തലവന്റെ കാര് ഓടിത്തുടങ്ങുമായിരുന്നു. ആഡംബര കാര് ബ്രാന്റായ ടൊയോട്ടയുടെ ആര്എക്സ്450 എച്ച്, ഇഎസ് 300 എച്ച്, എല്എക്സ്450 ഡി/എല്എക്സ്570 എന്നിവ ഇന്ത്യന് വിപണിയില് എത്തിയത് 2017 മാര്ച്ച് 24 ന് എത്തും മുമ്പായി തന്നെ ഇവയുടെ യുണിറ്റുകള് പൂര്ണ്ണമായും നിര്മ്മിച്ച് ഇന്ത്യയിലേക്ക് കൊണ്ടുവന്നു. കേന്ദ്ര സര്ക്കാര് ഇതിന് 120 ശതമാനം നികുതിയാണ് ചാര്ജ്ജ് ചെയ്തിരിക്കുന്നത്. കാര് സിബിയു (കംപ്ളീറ്റ് ബില്ഡ് യൂണിറ്റ്) വഴിയാണ് ഇന്ത്യയിലേക്ക് ഇറക്കുമതി ചെയ്തത്.
വാഹനത്തിന്റെ സ്പെഷ്യലിറ്റികള് വെരിഫിക്കേഷന് ചെയ്യുന്നത് സംബന്ധിച്ച പരിശോധനകളില് വാഹനത്തിന്റെ റജിസ്ട്രേഷന് നമ്പറുകള് റെക്കോഡുകളില് തന്നിരിക്കുന്നതില് നിന്നും വ്യത്യസ്തമാണെന്ന് കണ്ടെത്തി. ഇതിന് പുറമേ ഹരിയാനയിലെ അഞ്ച് സ്ഥലങ്ങളില് നിന്നായി പിടിച്ചെടുത്തിട്ടുള്ള വാഹനത്തിന്റെ എഞ്ചിന് നമ്പറുകളും റജിസ്റ്റര് ചെയ്തിട്ടുള്ളവയില് നിന്നും വ്യത്യസ്തമാണ്.
ദേരയിലേക്ക് നികുതി വെട്ടിപ്പ് നടത്തി ആഡംബരകാറുകള് ഇറക്കുമതിക്ക് മാത്രമായി ഒരു റാക്കറ്റ് പ്രവര്ത്തിക്കുന്നതായിട്ടാണ് പോലീസ് കരുതുന്നത്. ഇക്കര്യം പരിശോധിക്കാന് മാത്രം ഒരു സ്പെഷ്യല് ടീമിനെ ഹരിയാന പോലീസ് സജ്ജമാക്കിയിട്ടുണ്ട്. ചില കാറുകള് റജിസ്റ്റര് ചെയ്തിട്ടുള്ളത് ദേരയുടെ പേരിലാണ്. മറ്റ് ചിലത് ദേരയിലെ പ്രതിസന്ധി പരിഹാര സേനയായ ഷാ സത്നാം ഫോഴ്സിന്റെ പേരിലും. ബാക്കിയുള്ളത് ദേരയുമായി ബന്ധപ്പെട്ട ചില ഇല്ലാ കമ്പനികളുടെ പേരിലും. ക്രമക്കേട് ബോദ്ധ്യപ്പെട്ടതോടെ കാറുകളെ കുറിച്ച് ഇപ്പോള് സിറ്റ് ദേരാ ചെയര്പേഴ്സണ് വിപാഷ്സ്നാ ഇന്സാനെ ചോദ്യം ചെയ്യുകയാണ്. കാര് വാങ്ങിയതുമായി ബന്ധപ്പെട്ട കൃത്യ വിവരം കിട്ടുന്നതിന് കമ്പനിയുമായി സ്പെഷ്യല് ഇന്വെസ്റ്റിഗേഷന് ടീം ബന്ധപ്പെട്ടിട്ടുണ്ട്. ടൊയോട്ടാ ഫോര്ച്യൂണര്, ഇന്നോവ, പോര്ഷേ ഉള്പ്പെടെ ദേരയിലെ 56 ല് 30 എസ്യുവികളും പിടിച്ചെടുത്തിട്ടുണ്ട്.
