ഏറെ വിവാദങ്ങള്ക്കൊടുവില് ദിലീപ് ചിത്രം രാമലീല തീയറ്ററുകളില് എത്തിയിരിക്കുകയാണ്. നടിയെ ആക്രമിച്ച കേസില് ദിലീപ് ജയിലിലായതോടെ ചിത്രത്തെ എതിര്ത്തും പിന്തുണച്ചും നിരവധി പേര് രംഗത്ത് വന്നിരുന്നു. ചിത്രത്തെ വിമര്ശിച്ച് എഴുത്തുകാരി ശാരദക്കുട്ടി രംഗത്ത് വന്നു. ചിത്രം നടന്റേത് മാത്രമല്ല, മറ്റ് പലരുടേതുമാണ് എന്ന് പറയുന്നവര് ഈ ചിത്രം രാമലീല വന് വിജയം നേടിയാല് ഈ വിജയം നടന്റേതല്ലെന്ന് പറയാന് തയ്യാറാകുമോ എന്ന് ശാരദക്കുട്ടി ചോദിച്ചു.
സിനിമ കലാരൂപമാണെന്ന കാര്യത്തില് തര്ക്കമില്ല. ഒരുപാട് പേര് ബുദ്ധിമുട്ടിയാണ് ഒരു സിനിമയുണ്ടാക്കുന്നതെന്ന കാര്യത്തിലും തര്ക്കമില്ല. എന്നാല് ഈ വാദം നടത്തുന്നവരൊന്നും സൂപ്പര് താരങ്ങളുടെ ഫാന്സ് തീയറ്ററുകളില് എത്തി മറ്റ് താരങ്ങളുടെ ചിത്രം കൂകിതോല്പ്പിക്കുമ്പോള് ഈ വാദവുമായി എത്താതെന്നാണെന്നും അവര് ചോദിച്ചു. സിനിമ കാണണോ കാണാതിരിക്കണോ എന്നത് ഓരോരുത്തരുടേയും വ്യക്തിപരമായ തീരുമാനമാണ്. ദിലീപ് ചിത്രം രാമലീല താന് കാണില്ലെന്നും ശാരദക്കുട്ടി പറഞ്ഞു.
ആരോപണവിധേയനായ ദിലീപ് കുറ്റവാളിയാണെന്ന് തന്നെയാണ് താന് കരുതുന്നത്. നീതിക്ക് വേണ്ടി പോരാടുന്ന ആ പെണ്കുട്ടിക്ക് ഒപ്പമാണ് താനെന്നും ശാരദക്കുട്ടി പറഞ്ഞു. രാമലീല റിലീസ് ചെയ്യുന്ന ദിവസം മനുഷ്യസ്നേഹികള്ക്ക് കരിദിനമായിരിക്കുമെന്നും ശാരദക്കുട്ടി നേരത്തെ അഭിപ്രായപ്പെട്ടിരുന്നു. സഹപ്രവര്ത്തകയെ നഗ്നയാക്കി ചിത്രം എടുത്ത് കൊടുക്കണമെന്നേ ആ ാവം ആവശ്യപ്പെട്ടിട്ടുള്ളു പോലും. രണ്ടര മണിക്കൂര് നീണ്ട ആ പൈശാചിക കലാപരിപാടി മറന്ന് രാമലീല കാണാന് പോകാന് മാത്രം മനസാക്ഷിയില്ലാത്തവരല്ല ആ നടിയുടെ കേരളത്തിലെ സഹജീവികള് എന്നും ശാരദക്കുട്ടി പ്രതികരിച്ചിരുന്നു.
