ഹൈദരാബാദ്: ഹൈദരാബാദില് വ്യാജ ഖാസി നടത്തിക്കൊടുത്തത് 200 ഓളം വിവാഹങ്ങള്. ഇതിലെ വധുക്കളില് ഏറെയും പ്രായപൂര്ത്തിയാകാത്ത പെണ്കുട്ടികളും. ചില യുവതികളെ അറബികള്ക്ക് വിവാഹം കഴിപ്പിച്ച് നല്കിയതായും ആരോപണമുണ്ട്. വ്യാജ വിവാഹ പത്രങ്ങള് നല്കിയാണ് വിവാഹം നടത്തിയതെന്നും റിപ്പോര്ട്ടില് പറയുന്നു.
അലി അബ്ദുള്ള റഫായ് എന്ന ഖാസിയാണ് ഇത്തരം വ്യാജ വിവാഹങ്ങള് നടത്തിയത്. ഇയാളുടെ കൂട്ടാളിയായ മുംബൈയിയെ മുഖ്യ ഖാസി ഫരീദ് അഹമ്മദ് ഖാനും പിടിയിലാണെന്നും അന്വേഷണ സംഘം പറയുന്നു. മൂന്നു ഖാസിമാരാണ് ഇതുവരെ പിടിയിലായത്.
2014 മുതല് ഖാസി റഫായ്ക്ക് വിവാഹം നടത്തി നല്കാന് വഖഫ് ബോര്ഡ് അനുമതിപത്രം നല്കിയിരുന്നില്ല. ഇതേതുടര്ന്ന് ഇയാള് വ്യാജ പത്രങ്ങള് ഉണ്ടാക്കിയാണ് അറബി കല്യാണം ഉള്പ്പെടെ നടത്തിയത്. റഫായിയെ നേരത്തെ മറ്റു ചില കാരണങ്ങളാല് വഖഫ് ബോര്ഡ് സസ്പെന്റു ചെയ്തിരുന്നുവെങ്കിലും അത് ചോദ്യം ചെയ്ത് ഇയാള് ഹൈക്കോടതിയെ സമീപിച്ചിരുന്നു.
