പഞ്ച്കുള: വിവാദ ആള്ദൈവം ഗുര്മീത് റാം റഹിം സിങിന്റെ ദത്തുപുത്രിയും, മനസാക്ഷി സൂക്ഷിപ്പുകാരിയുമായ ഹണിപ്രീതിന്റെ മൊബൈല്ഫോണില് നിന്ന് വിവരങ്ങള് വീണ്ടെടുക്കാനുള്ള ശ്രമങ്ങള് പോലീസ് തുടരുന്നു.
ഹണീപ്രീതിന്റെ ഐഫോണില് നിന്ന് വിവരങ്ങള് എല്ലാം ഡിലീറ്റ് ചെയ്ത നിലയിലാണ്. അതിനാല് ഡിലീറ്റ് ചെയ്യപ്പെട്ട വിവരങ്ങള് വീണ്ടെടുക്കാനുള്ള ശ്രമങ്ങള് സൈബര് വിദഗ്ധര് നടത്തി വരുകയാണ്.
കഴിഞ്ഞ 26 നു തന്നെ ഹണിപ്രീത്് നിര്ണായക വിവരങ്ങള് ഡിലീറ്റ് ചെയ്ത് ഫോണ് ദേരാ ആശ്രമത്തിലെ വൈസ് ചെയര്പേഴ്സണ് വിപാസനയുടെ കൈയില് ഏല്പ്പിച്ചിരുന്നു. ഹണിപ്രീതിനെ ചോദ്യം ചെയ്തതില് നിന്ന് ഫോണ് വിപാസനയുടെ പക്കലുണ്ടെന്ന് ഹണിപ്രീത് വെളിപ്പെടുത്തി. പിന്നാലെയാണ് ഫോണ് വിപാസനയുടെ കൈയില് നിന്ന് പോലീസ് വീണ്ടെടുത്തത്. ഹണിപ്രീതിന്െ്റ വിരലടയാളം ഉപയോഗിച്ചാണ് ഐഫോണ് ലോക്ക് ചെയ്തിരിക്കുന്നത്. അതിനാല് ഹണിപ്രീതിന്െ്റ സാന്നിധ്യത്തില് മാത്രമേ ഫോണിലെ വിവരങ്ങള് വീണ്ടെടുക്കാന് കഴിയത്തുള്ളുവെന്ന് പോലീസ് വ്യക്തമാക്കി.
ഫോണില് നിന്നും നഷ്ടപ്പെട്ട വിവരങ്ങളെക്കുറിച്ചുള്ള പോലീസിന്െ്റ ചോദ്യങ്ങളെ ഹണിപ്രീത് അവഗണിക്കുകയാണ്.പ്രകോപനപരമായ വീഡിയോകളും ചിത്രങ്ങളും സാമൂഹമാധ്യമങ്ങളിലൂടെ പങ്കുവെച്ച കുറ്റവും ഹണിപ്രീതിനെതിരെ ചുമത്തിയിട്ടുണ്ട്.
