കൊച്ചി: ചാലക്കുടിയില് റിയല് എസ്റ്റേറ്റ് ബ്രോക്കര് രാജീവ് കൊല്ലപ്പെട്ട സംഭവത്തില് പ്രമുഖ അഭിഭാഷകന് സി.പി ഉദയഭാനുവിന്റെ വീട്ടില് നിന്ന് വസ്തു ഇടപാടിന്റെ രേഖകള് പോലീസ് പിടിച്ചെടുത്തു. ഉദയഭാനുവിന്റെ വീട്ടില് നടത്തിയ റെയ്ഡിലാണ് രേഖകള് പിടിച്ചെടുത്തത്. 1.30 കോടി രൂപ കൈമാറിയതിന്റെ രേഖകളാണ് പിടിച്ചെടുത്തത്. രണ്ട് കമ്പ്യൂട്ടറുകളും പിടിച്ചെടുത്ത്. ഇവ ഫോറന്സിക് പരിശോധനയ്ക്ക് അയക്കും.
രാജീവ് വധക്കേസില് സി.പി ഉദയഭാനു ഏഴാം പ്രതിയാകുമെന്ന് പോലീസ് കഴിഞ്ഞ ദിവസം വ്യക്തമാക്കിയിരുന്നു. ഇതിന് പിന്നാിെയാണ് ഉദയഭാനുവിന്റെ വീട്ടിലും ഓഫീസിലും പോലീസ് റെയ്ഡ് നടത്തിയത്. രാജീവ് മര്ദ്ദനമേറ്റ് കിടക്കുന്നതായി പോലീസിനെ വിളിച്ചറിയിച്ചത് ഉദയഭാനു ആയിരുന്നു. അതേസമയം ഉദയഭാനു ഇക്കാര്യം പോലീസിനെ അറിയിക്കുമ്പോഴേയ്ക്ക് രാജീവ് കൊല്ലപ്പെട്ടിരുന്നു.
അതേസമയം പിടിച്ചെടുത്ത കമ്പ്യൂട്ടറുകളില് നിന്നും ഭൂമി ഇടപാട് സംബന്ധിച്ച വിവരങ്ങള് നീക്കം ചെയ്തിരിക്കാമെന്ന് പോലീസ് സംശയിക്കുന്നു. ഇതേതുടര്ന്നാണ് കമ്പ്യൂട്ടറുകള് ഫോസന്സിക് പരിശോധനയ്ക്ക് അയക്കാന് തീരുമാനിച്ചത്. വരും ദിവസങ്ങളില് ഉദയഭാനുവിനെ പോലീസ് ചോദ്യം ചെയ്യും. ഉദയഭാനുവിന്റെ മുന്കൂര് ജാമ്യാപേക്ഷയില് കോടതി തീരുമാനം അറിഞ്ഞ ശേഷമാകും ചോദ്യം ചെയ്യല്.
Comments