കോട്ടയം: െവെദ്യുതി പോസ്റ്റ് ഉപയോഗിച്ച് മോട്ടോര്പുര നിര്മ്മിച്ചതിനെതിരേ പരാതി നല്കിയ െവെദ്യുതി ബോര്ഡ് ഉദ്യോഗസ്ഥനെ മറ്റൊരു കേസില് പ്രതിയാക്കിയ ശേഷം പൊതുമുതല് അപഹരിച്ച കേസ് എഴുതിത്തള്ളാനുള്ള പോലീസ് നീക്കത്തിനെതിരേ സംസ്ഥാന മനുഷ്യാവകാശ കമ്മിഷന്.
പോസ്റ്റ് മോഷ്ടിച്ചെന്ന് ഏറ്റുമാനൂര് പോലീസ് രജിസ്റ്റര് ചെയ്ത കേസ് ഡിെവെ.എസ്.പി തലത്തിലുള്ള ഉദ്യോഗസ്ഥന് പുനരന്വേഷിക്കണമെന്ന് കമ്മിഷനംഗം കെ. മോഹന്കുമാര് കോട്ടയം ജില്ലാ പോലീസ് മേധാവിക്കു നിര്ദേശം നല്കി. പൊതുമുതല് നഷ്ടമായിട്ടുണ്ടോ എന്നും ഇക്കാര്യത്തില് ഉദ്യോഗസ്ഥതലത്തില് വീഴ്ച വന്നിട്ടുണ്ടോ എന്നും കെ.എസ്.ഇ.ബിയുടെ വിജിലന്സ് വിഭാഗം അന്വേഷിച്ചു തുടര്നടപടികള് സ്വീകരിക്കണമെന്നും കമ്മിഷന് നിര്ദേശിച്ചു.
െവെക്കം സ്വദേശിയും െവെദ്യുതി ബോര്ഡിന്റെ നീണ്ടൂര് സെക്ഷനില് ഓവര്സിയറുമായ സി.എം. സന്തോഷ് സമര്പ്പിച്ച പരാതിയിലാണു നടപടി. െവെദ്യുതി പോസ്റ്റ് ഉപയോഗിച്ച് ചിലര് മോട്ടോര് പുര കെട്ടിയ വിവരം അറിഞ്ഞപ്പോള് കടുത്തുരുത്തി പോലീസില് പരാതി നല്കുകയായിരുന്നെന്ന് സന്തോഷ് പറയുന്നു. അസിസ്റ്റന്റ് എന്ജിനീയറുള്പ്പെടെയുള്ളവര് സ്ഥലം സന്ദര്ശിച്ചാണു പോലീസില് പരാതി നല്കിയത്.അന്വേഷണത്തില് വീഴ്ച വരുത്തിയ കടുത്തുരുത്തി പോലീസ് പിന്നീട് ഏറ്റുമാനൂര് പോലീസിന് അന്വേഷണം െകെമാറി. സര്ക്കാര് വക സാധനം അപഹരിക്കപ്പെട്ടതിനെതിരെ പരാതി നല്കിയ തന്നെ മറ്റൊരു കേസില് പ്രതിയാക്കി കോടതി കയറ്റിയിറക്കുകയാണെന്നും പരാതിയില് പറയുന്നു.
െവെദ്യുതി പോസ്റ്റ് ഉപയോഗിച്ച് മോട്ടോര് പുര നിര്മ്മിച്ചത് അന്വേഷണത്തില് കണ്ടില്ലെന്നും എന്നാല് പോസ്റ്റിന്റെ കഷണങ്ങള് മോട്ടോര് പുരയുടെ സമീപത്തു നിന്നു കസ്റ്റഡിയിലെടുത്തതായും കമ്മീഷനില് ഏറ്റുമാനൂര് പോലീസ് സമര്പ്പിച്ച റിപ്പോര്ട്ടില് പറയുന്നു. തുടര്ന്നു കേസ് കളവാണെന്നു കണ്ട് കോടതിയില് നിന്നു കുറവു ചെയ്യാന് കഴിഞ്ഞ ജനുവരി 21 ന് അപേക്ഷ നല്കി. മോട്ടോര്പുരയുടെ ഉടമകളെ അസഭ്യം പറഞ്ഞെന്ന കേസില് സന്തോഷിനെതി േകോടതിയില് കുറ്റപത്രം സമര്പ്പിച്ചിട്ടുണ്ടെന്നുമാണു പോലീസ് റിപ്പോര്ട്ട്. എന്നാല് പ്രതികളുടെ സ്വാധീനത്തിനു വഴങ്ങി കാലതാമസം വരുത്തി തെളിവു നശിപ്പിക്കാന് കടുത്തുരുത്തി പോലീസ് ശ്രമിച്ചതായി പരാതിക്കാരന് ആരോപിച്ചു.
പൊതുമുതല് ദുരുപയോഗത്തിനെതിരേ രംഗത്തെത്തിയ ഉദ്യോഗസ്ഥന് കേസില് പ്രതിയായതു ഗൗരവമുള്ള കാര്യമാണെന്നു കമ്മിഷന് ഉത്തരവില് പറഞ്ഞു. പൊതുമുതല് നശീകരണത്തിനെതിരേ െവെദ്യുതി ബോര്ഡ് നല്കിയ പരാതിയും തുടര്ന്നു നടന്ന അന്വേഷണവും ഉന്നതതലത്തില് വിലയിരുത്തപ്പെടണമെന്നും കമ്മിഷന് നിരീക്ഷിച്ചു.
