സിവില് സര്വീസ് മെയിന് പരീക്ഷയ്ക്കിടെ കോപ്പിയടി നടന്ന സംഭവത്തില് സഫീര് കരീം ഐപിഎസിനെതിരെ നിലപാട് കടുപ്പിക്കാന് ആഭ്യന്ത്ര മന്ത്രാലയും. കേരളത്തിലും അന്വേഷണം നടത്തും. സഫീര് കരീമിനെ ഉടന് സര്വ്വീസില് നിന്ന് പുറത്താക്കുകയും ചെയ്യും. സഫീറിന്റെ വീട്ടിലും ലാ എക്സലന്സിന്റെ പരിശീലന കേന്ദ്രങ്ങളിലും തെളിവെടുപ്പ് നടത്തും.
മുന്പു പരീക്ഷിച്ചു വിജയിച്ചതു കൊണ്ടാണ് ആത്മവിശ്വാസത്തോടെ സഫീര് കോപ്പിയടിക്കാന് മുതിര്ന്നത് എന്നാണ് അന്വേഷണ സംഘം പറയുന്നത്. അതായത് കോപ്പിയടിയിലൂടെയാണ് സഫീര് ഐപിഎസ് നേടിയതെന്ന നിഗമനത്തില് എത്തുകയാണ് പൊലീസ്. ഏതൊക്കെ പരീക്ഷകളില് ഇത്തരത്തില് കോപ്പിയടി നടന്നെന്നും ഇതിനായി പ്രത്യേക പരിശീലനം ലഭിച്ചോ എന്നും അന്വേഷിക്കും. ഹൈദരബാദിലെ ലാ എക്സലന്സ് എന്ന സ്ഥാപനത്തിന്റെ വളര്ച്ച സംബന്ധിച്ചും സംശയങ്ങള് നിലനില്ക്കുന്നുണ്ട്. രാജ്യത്തെ സിവില് സര്വീസ് പരിശീലകരില് ശ്രദ്ധേയനാണ് ഉത്തരങ്ങള് കണ്ടെത്താന് സഹായിച്ച ലാ എക്സലന്സ് ഡയറക്ടര് ഡോ. രാം ബാബു. ഇയാളെ കുറിച്ചും വിശദമായി അന്വേഷിക്കുന്നുണ്ട്. പുഴല് ജയിലില് റിമാന്ഡിലാണ് സഫീര് കരിം. ഭാര്യ ജോയ്സിയും ഒന്നര വയസുള്ള മകള് സിയയും ഇതേ ജയിലിലാണ്.
ചെന്നൈ പ്രസിഡന്സി ഗേള്സ് ഹൈസ്കൂളില് നടന്ന സിവില് സര്വീസ് മെയിന് എക്സാമില് കൃത്രിമം കാണിച്ചതിനാണ് മലയാളി ഐപിഎസ് പ്രൊബേഷണറി ഉദ്യോഗസ്ഥന് സഫീര് കരിം പിടിയിലായത്. ഹൈടെക് കോപ്പിയടിയാണ് നടത്തിയത്. ഭാര്യ ജോയ്സി ജോയ്സിന്റെ സഹായത്തോടെയായിരുന്നു സഫീറിന്റെ ഈ അത്യാധുനിക കോപ്പിയടി. ജോയ്സിയേയും പൊലീസ് അറസ്റ്റ് ചെയ്തിട്ടുണ്ട്. മൈക്രോ കാമറ, ഗൂഗിള് ഡ്രൈവ്, ബ്ലൂടൂത്ത് എന്നിവയുടെ സഹായത്തോടെയായിരുന്നു കരീമിന്റെ പരീക്ഷയെഴുത്ത്.
ഗൂഗിള് ഡ്രൈവുമായി കണക്റ്റ് ചെയ്ത മൈക്രോ കാമാറ കരീം നെഞ്ചില് ഘടിപ്പിച്ചിരുന്നു. മുന്നിലിരിക്കുന്ന ചോദ്യ പേപ്പര് ഈ കാമറ സ്കാന് ചെയ്ത് ഗൂഗിള് ഡ്രൈവ് വഴി ഹൈദരാബാദിലുള്ള ജോയ്സി ജോയ്സിനു മുന്നില് എത്തിക്കും. ഓരോ ചോദ്യത്തിന്റെയും ഉത്തരം അവിടെയിരുന്ന ജോയ്സി പറയും. ഹൈദരാബാദ് പൊലീസാണ് ജോയ്സിയേയും രാംബാബുവിനെയും അറസ്റ്റ് ചെയ്തത്. തമിഴ്നാട് പൊലീസ് സഫീറിനെ അറസ്റ്റ് ചെയ്തതിനു പിന്നാലെയായിരുന്നു ഇവരുവരുടേയും അറസ്റ്റ് നടന്നത്. ഇവരെ തമിഴ്നാടിനു പൊലീസിന് കൈമാറി.
തിരുന്നല്വേലിയില് അഡീഷണല് സൂപ്രണ്ട് പൊലീസ് ആയി ജോലി നോക്കി വരികയായിരുന്നു സഫീര് കരീം. 2015 ലാണ് തമിഴ്നാട് കേഡര് ഐപിഎസ് ആയി സഫറിന് സെലക്ഷന് കിട്ടുന്നത്. ഹൈദരാബാദിലെ സര്ദാര് വല്ലഭായി പട്ടേല് നാഷണല് പൊലീസ് അക്കാദമിയിലാണ് സഫര് ഐപിഎസ് ട്രെയിനിങ് പൂര്ത്തിയാക്കിയത്. എന്നാല് ഐപിഎസില് ഇയാള് തൃപ്തനായിരുന്നില്ലെന്നും ഐഎഎസ് ആയിരുന്നു സഫീറിന്റെ ലക്ഷ്യം. അതിനുവേണ്ടിയാണ് അയാള് ഇത്തരത്തില് കൃത്രിമം നടത്തിയതെന്നും തമിഴ്നാട് പൊലീസ് മാധ്യമങ്ങളോടു പറഞ്ഞു.
