കോട്ടയം: ചാനല് ഉടമയുടെ റിസോര്ട്ട് നിര്മാണത്തിനായി വേമ്പനാട് കായലും തോട്ടുപുറമ്പോക്കും െകെയേറിയെന്ന റിപ്പോര്ട്ട് സി.പി.എം. ഭരണത്തിലുളള ഗ്രാമപഞ്ചായത്ത് ഒരു വര്ഷം പൂഴ്ത്തി. െകെയേറ്റം കണ്ടെത്തിയ റവന്യൂവകുപ്പും പിന്നീട് മൗനംപാലിച്ചു. ബി.ജെ.പി. രാജ്യസഭാംഗവും ഏഷ്യാനെറ്റ് ന്യൂസ് ഉടമയുമായ രാജീവ് ചന്ദ്രശേഖറിന്റെ നിരാമയ റിട്രീറ്റ് റിസോര്ട്ട് നിര്മാണത്തിനാണ് ഇവര് ഒത്താശചെയ്തത്.
രാജ്യാന്തര നിലവാരത്തില് പണിയുന്ന റിസോര്ട്ട് പുറമ്പോക്ക് െകെയേറിെയന്നു കണ്ടെത്തി കുമരകം പഞ്ചായത്ത് സെക്രട്ടറിക്ക് 2016 ഒക്ടോബര് 20 ന് കോട്ടയം തഹസില്ദാര് കത്ത് നല്കിയിരുന്നു. എന്നാല്, സ്റ്റോപ്പ് മെമ്മോ പോലും നല്കാന് ഭരണസമിതി തയാറായില്ല.
രാജീവ് ചന്ദ്രശേഖറിന്റെ ബംഗളുരു ആസ്ഥാനമായുള്ള ജൂപ്പിറ്റര് ക്യാപ്പിറ്റല് കമ്പനിയാണ് കവണാറ്റിന്കരയില് റിസോര്ട്ട് നിര്മിക്കുന്നത്. റിസോര്ട്ട് സ്ഥിതി ചെയ്യുന്ന കുമരകം വില്ലേജിലെ ബ്ലോക്ക് നമ്പര് പത്തില്പ്പെടുന്ന 02.ആര് 17 ചതുരശ്രമീറ്റര് തോട്ടുപുറമ്പോക്കും ബ്ലോക്ക് നമ്പര് 11-ല്പ്പെട്ട കായല് പുറമ്പോക്കില് നിന്നു 0.44 ചതുരശ്രമീറ്ററും 0.50 ചതുരശ്രമീറ്ററും െകെയേറിയെന്നു പരിശോധനയില് കണ്ടെത്തി. കേരള പഞ്ചായത്ത് ആക്ട് പ്രകാരം െകെയേറിയ ഭാഗം പഞ്ചായത്തിന്റെ അധീനതയില് വരുന്നതിനാല്, െകെയേറ്റം അടിയന്തരമായി ഒഴിപ്പിക്കണമെന്നു സെക്രട്ടറിക്ക് നല്കിയ റിപ്പോര്ട്ടില് തഹസില്ദാര് ശിപാര്ശ ചെയ്തു. ഈ റിപ്പോര്ട്ടാണ് കുമരകം പഞ്ചായത്ത് മൂടിവച്ചത്.
വേമ്പനാട്ട് കായല് െകെയേറിയാണ് ഇതു പണിയുന്നതെന്ന് ചൂണ്ടിക്കാട്ടി കുമരകം ജനസമ്പര്ക്ക സമിതി െഹെക്കോടതിയെ സമീപിച്ചിരുന്നു. ഇതിന്റെ അടിസ്ഥാനത്തില് ഇതേപ്പറ്റി അന്വേഷിക്കാന് റവന്യൂ വകുപ്പിന് കോടതി നിര്ദേശം നല്കി. ഇതേത്തുടര്ന്നാണു തഹസില്ദാരുടെ നിര്ദേശപ്രകാരം കോട്ടയം താലൂക്ക് സര്വേയര് അന്വേഷണം നടത്തിയത്.
െകെയേറ്റം ഒഴിപ്പിക്കുന്നത് സംബന്ധിച്ച് പിന്നീട് റിപ്പോര്ട്ടൊന്നും റവന്യൂവകുപ്പ് നല്കിയില്ല. റാംസര് െസെറ്റില് ഉള്പ്പെടുന്ന അതീവ പരിസ്ഥിതി പ്രാധാന്യമുള്ള വേമ്പനാട് കായലിന്റെയും തീരത്തോടു ചേര്ന്നാണ് റിസോര്ട്ട് നിര്മിക്കുന്നത്. രണ്ട് പ്ളോട്ടുകളിലായി നാല് ഏക്കറോളം തീരഭൂമിയാണ് റിസോര്ട്ടിന്റെ അധീനതയിലുള്ളത്. 2009 ലാണ് പഞ്ചായത്തില്നിന്ന് ഇതിനു നിര്മാണാനുമതി വാങ്ങിയത്. എന്നാല്, ആദ്യ മൂന്നുവര്ഷം കാര്യമായ പണി നടന്നില്ല. പിന്നീടാണ് നിര്മാണം തുടങ്ങിയത്.
