ഇടുക്കി: അതിരപ്പിള്ളി വിഷയത്തില് തന്റേയും, പാര്ട്ടിയുടേയും അഭിപ്രായം ഒന്നാണെന്ന് വൈദ്യുതി മന്ത്രി എംഎം മണി. അതേസമയം, അതിരപ്പിള്ളി പദ്ധതിയെ എതിര്ക്കുന്നത് സിപിഐ മാത്രമാണെന്നും മന്ത്രി ആരോപണം ഉയര്ത്തി.
അതിരപ്പിള്ളി പദ്ധതി നടപ്പിലാക്കണമെന്നാണ് വൈദ്യുതി ബോര്ഡിന്റെ അഭിപ്രായമെന്നും, ഈ വിഷയത്തില് യോജിച്ച തീരുമാനം എടുക്കുമെന്നും എംഎം മണി ഡല്ഹിയില് വ്യക്തമാക്കി. അതേസമയം, ഇടുക്കിയിലെ കുറിഞ്ഞി ഉദ്യാനം സംരക്ഷിക്കപ്പെടണമെന്നും, നൂറ്റാണ്ടുകളായി താമസിച്ചു വരുന്ന കര്ഷകരുടെ പ്രശ്നങ്ങള്ക്ക് പഗരിഹാരം കാണണമെന്നൂം മന്ത്രി കൂട്ടിച്ചേര്ത്തു. ഇതു സംബന്ധിച്ച് പല കാര്യങ്ങളും അവിടെച്ചെന്ന് പഠിക്കണമെന്നും മന്ത്രി വ്യക്തമാക്കി.
കുറിഞ്ഞി ഉദ്യാനത്തിന്റെ അതിര്ത്തി നിര്ണയവുമായി ബന്ധപ്പെട്ട് ഈ മാസം 11,12 തിയതികളിലാണ് മന്ത്രിമാര് സന്ദര്ശനം നടത്താനിരിക്കുന്നത്. എംഎം മണിക്കു പുറമെ മന്ത്രിമാരായ ഇ ചന്ദ്രശേഖരന്, കെ.രാജു, എന്നിവരുടെ സംഘമാണ് സന്ദര്ശനത്തിനായി പുറപ്പെടുന്നത്.
