ദിവസങ്ങള്ക്ക് മുമ്പാണ് ചൈനയില് ഒരു പതിമൂന്നുകാരന് വീ ചാറ്റിലൂടെ തന്റെ കൂട്ടുകാരന് പങ്കുവെച്ച ദൃശ്യം മാതാവിനെ കാണിച്ചത്. വീഡിയോ കണ്ട യുവതി ഞെട്ടി. മകന്റെ കൂട്ടുകാരന് സ്വന്തം അമ്മയെ കശാപ്പ് ചെയ്ത് തലയറുത്തുമാറ്റി ബക്കറ്റില് ഇടുന്ന ദൃശ്യമായിരുന്നു. അമ്മയെ കൊന്നു തലയറുത്ത 13 കാരന് ഇപ്പോള് ജയിലിലാണ്. ചൈനയിലെ സിചുവാന് പ്രവിശ്യയിലെ പ്രമുഖ നഗരമായ വെന്സിംഗില് കഴിഞ്ഞ ദിവസം നടന്ന സംഭവം വന് ചര്ച്ചയായി മാറിയിരിക്കുകയാണ്.
ഞായറാഴ്ച വഴക്കുണ്ടാക്കിയതിനെ തുടര്ന്നായിരുന്നു പയ്യന് അമ്മയെ തന്നെ കൊലപ്പെടുത്തിയത്. അതിന് ശേഷം തലയറുത്തെടുക്കുന്ന ദൃശ്യം വീഡിയോയില് പകര്ത്തി ചൈനയിലെ പ്രമുഖ സന്ദേശആപ്പായ വീ ചാറ്റിലൂടെ കൂട്ടുകാര്ക്ക് പങ്കു വെയ്ക്കുകയായിരുന്നു. ബുധനാഴ്ച കൂട്ടുകാരില് ഒരാള് വീട്ടിലെത്തി അമ്മയെ കാണിച്ചതോടെയാണ് സംഭവം വെളിച്ചത്തു വന്നത്. ഞെട്ടിപ്പോയ മാതാവ് വിവരം ലോക്കല് പോലീസിന് കൈമാറുകയും അവര് പയ്യനെ സ്കൂളില് നിന്നും അറസ്റ്റ് ചെയ്തുകൊണ്ടുപോകുകയുമായിരുന്നതായിട്ടാണ് റിപ്പോര്ട്ട്.
അമ്മയെ കുലപ്പെടുത്തിയ ശേഷം തല വെട്ടിമാറ്റി ഒരു ബക്കറ്റിലാണ് ആദ്യം ഇട്ടത്. അതിന് ശേഷം അത് വീടിന് തൊട്ടടുത്തുള്ള ഓടയില് നിക്ഷേപിച്ചു. കുട്ടിയുടെ മാനസീക നിലയെക്കുറിച്ചുള്ള ആശങ്കപെരുകിയിരിക്കുകയാണ്. ഒട്ടേറെ പേര് സാമൂഹ്യ മാധ്യമങ്ങളെയും കുറ്റപ്പെടുത്തി. കുട്ടിയ്ക്ക് ദുരിതമായ ബാല്യകാലമോ സ്വഭാവ വൈകല്യമോ സംഭവിച്ചിരിക്കാമെന്നാണ് പലരും അഭിപ്രായപ്പെടുന്നത്. കുട്ടി മാതാവിനെ കൊലപ്പെടുത്തുക മാത്രമായിരുന്നില്ല തല അറുത്തുമാറ്റുകയും ചെയ്തെന്നത് വിശ്വസിക്കാനാകുന്നില്ലെന്നായിരുന്നു ചിലരുടെ പ്രതികരണം.
അതേസമയം മുംബൈയിലും കഴിഞ്ഞ ദിവസം സമാനമായ ഒരു സംഭവം റിപ്പോര്ട്ട് ചെയ്തിരുന്നു. 21 കാരനായ ഒരു ടെക്കിയാണ് മാതാവിനെ കൊലപ്പെടുത്തിയത്. സിദ്ധാര്ത്ഥ് ഗണോര് എന്ന യുവാവാണ് ഈ ക്രൂരത ചെയ്തത്. വളരെ കര്ശനമായി ഇടപെട്ടിരുന്ന മാതാവിന്റെ ശല്യം സഹിക്കാന് കഴിയാതെയായിരുന്നു ഇത് ചെയ്തതെന്നാണ് യുവാവ് നല്കിയ മൊഴി. മറ്റുള്ളവര്ക്കൊപ്പം കഴിയാതെ കര്ശനമായ നിയന്ത്രണത്തില് വളര്ത്തിയിരുന്നതിനാല് മൊബൈലിലും സോഷ്യല് മീഡിയകളിലുമായിരുന്നു പയ്യന് സമയം ചെലവഴിച്ചിരുന്നത്. മാതാവിനോട് കടുത്ത വൈരാഗ്യം ഉണ്ടായിരുന്ന സിദ്ധാര്ത്ഥ അമ്മയെ കൊന്നതിന് ശേഷം ശരീരം കിടന്നിരുന്നതിന് സമീപത്ത് ചോര കൊണ്ട് ഒരു സ്മൈലിയും വരച്ചിരുന്നു.
