ചെന്നൈ: ആദായ നികുതി ഉദ്യോഗസ്ഥന് ചമഞ്ഞ് ജയലളിതയുടെ സഹോദര പുത്രി ദീപ ജയകുമാറിനെ പറ്റിക്കാന് ശ്രമം. ഐ.ടി ഉദ്യോഗസ്ഥന് ചമഞ്ഞ് എത്തിയ യുവാവ് ശനിയാഴ്ച രാവിലെയാണ് ദീപയുടെ ടി നഗറിലെ വസതിയില് എത്തിയത്. ആദായ നികുതി ഉദ്യോഗസ്ഥനെന്ന് വിശ്വസിപ്പിക്കാന് ഒരു തിരിച്ചറിയല് കാര്ഡും ഇയാള് കാണിച്ചു. തട്ടിപ്പുകാരന് എത്തുമ്പോള് ദീപ ജയകുമാര് വീട്ടില് ഉണ്ടായിരുന്നില്ല. വ്യാജ ഐഡി കാര്ഡും റെയ്ഡ് വാറണ്ടും കാണിച്ച ഇയാളെ വീട്ടില് പ്രവേശിക്കാന് അനുവദിച്ചു.
ദീപ ജയുകുമാറിന്റെ അഭിഭാഷകന് ചിന്നപിള്ള ഈ സമയം വീട്ടിലുണ്ടായിരുന്നു. ഐ.ടി ഉദ്യോഗസ്ഥന് ചമഞ്ഞ് എത്തിയ യുവാവിന്റെ പെരുമാറ്റത്തില് സംശയം തോന്നിയ അഭിഭാഷകന് ഉടന് പോലീസിനെ വിളിച്ചു വരുത്തി. പോലീസ് എത്തി ചോദ്യം ചെയ്തതോടെ ഇയാളുടെ തട്ടിപ്പ് വെളിച്ചത്തായി. ആദായ നികുതി റെയ്ഡിനെന്ന പേരില് മറ്റ് ഉദ്യോഗസ്ഥരില്ലാതെ ഒറ്റയ്ക്ക് എത്തിയതാണ് സംശയത്തിനിടയാക്കിയത്.
എന്നാല് ചോദ്യം ചെയ്യലിനിടെ തട്ടിപ്പുകാരന് മതില് ചാടി രക്ഷപെട്ടു. ഇയാള് തട്ടിപ്പുകാരനാണെന്ന് തനിക്ക് ഉറപ്പായിരുന്നെന്ന് ദീപയുടെ ഭര്ത്താവ് മാധവന് പറഞ്ഞു. മിതേഷ് കുമാര് എന്നാണ് ഇയാള് കാണിച്ച ഐഡി കാര്ഡില് രേഖപ്പെടുത്തിയിരുന്ന പേര്. തട്ടിപ്പുകാരനെ പിടികൂടുന്നത് പോലീസ് പ്രത്യേക അന്വേഷണ സംഘത്തെ രൂപീകരിച്ചു.
അതേസമയം തട്ടിപ്പുകാരന് എത്തിയതിന് പിന്നില് ദീപയ്ക്കും ഭര്ത്താവിനും പങ്കുണ്ടോയെന്നും പോലീസ് അന്വേഷിക്കുന്നുണ്ട്. സംഭവ സമയത്ത് ദീപ വീട്ടില് ഇല്ലാതിരുന്നതും തട്ടിപ്പുകാരനാണെന്ന് സംശയമില്ലായിരുന്നുവെന്ന നിലപാടില് ആദ്യം മുതല്ക്കേ ദീപയുടെ ഭര്ത്താവ് ഉറച്ചുനിന്നതും സംശയാസ്പദമാണെന്ന് പോലീസ് വ്യക്തമാക്കി.
