ഐഎസ്എല് നാലാം സീസണില് പ്ലേ ഓഫ് സാധ്യതകള് പോലും നേടാതെ കേരള ബ്ലാസ്റ്റേഴ്സ് പുറത്തായതിനു പിന്നാലെ ടീമില് വന് പൊട്ടിത്തെറികള് സംഭവിച്ചിരുന്നു. ടീം കോച്ച് ഡേവിഡ് ജെയിംസിനെതിരെ ബെര്ബറ്റോവ് ആഞ്ഞടിച്ച് രംഗത്തെത്തിയതിനു പിന്നാലെ മഞ്ഞപ്പടയില് വമ്പന് അഴിച്ചു പണികള് നടത്തി വരികയാണ്.
ഏറ്റവും വലിയ അഴിച്ചു പണിയാണ് സൂപ്പര് താരം സി.കെ വിനീതിനെ തെറിപ്പിച്ച് ബ്ലാസ്റ്റേഴ്സ് നടത്തിയത്. ബ്ലാസ്റ്റേഴ്സ് വിടുന്ന താരത്തെ സ്വന്തമാക്കാന് കൊല്ക്കത്തന് വമ്പന്മാരായ എടികെ രംഗത്തെത്തിയെന്നാണ് റിപ്പോര്ട്ടുകള്. ഇതിനായി പ്രാഥമിക ചര്ച്ചകള് നടന്നുകഴിഞ്ഞതായാണ് സൂചനകള്.
കഴിഞ്ഞ സീസണില് ബംഗളുരുവില് നിന്നാണ് താരം ബ്ലാസ്റ്റേഴ്സിലേക്ക് എത്തിയത്. എന്നാല് കഴിഞ്ഞ വര്ഷശത്ത മാന്ത്രിക പ്രകടനം ഈ വര്ഷം നിലനിര്ത്താന് താരത്തിനാകാതെ പോയതാണ് ടീമില് നിന്ന് തെറിച്ചത്. സീസണില് നിര്ണായകമായ നാലു ഗോളുകള് നേടിയെങ്കിലും മറ്റു മത്സരങ്ങളില് പലതിലും വിനീതിന്റെ പ്രകടനം ദയനീയമായിരുന്നു. എന്നാല് വിനീതിന്റെ മാറ്റത്തില് ഔദ്യോഗിക സ്ഥിരീകരണം ഇതുവരെ ഉണ്ടായിട്ടില്ല.
