കൊച്ചി: തന്റെ മകനു മേല് മതവിശ്വാസം അടിച്ചേല്പ്പിക്കില്ലെന്ന് വ്യക്തമാക്കി കേരളാ ബ്ലാസ്റ്റേഴ്സ് സൂപ്പര് താരം സി.കെ വിനീത്. കഴിഞ്ഞ മാസം 23-ാം തിയതിയായിരുന്നു വിനീതിന്റെ ഭാര്യ ശരണ്യ ആണ്കുഞ്ഞിന് ജന്മം നലകിയത്.
വിനീത് ബ്ലാസ്റ്റേഴ്സ് വിടുന്നുവെന്ന അഭ്യൂഹം ശക്തമാകുന്നതിനിടെ സത്യാവസ്ഥ എന്തെന്നറിയാന് കാതോര്ത്തിരിക്കുന്ന ആരാധകരെ തേടി എത്തിയ വിനീതിന്റെ വെളിപ്പെടുത്തല് പക്ഷെ മറ്റൊന്നായിപ്പോയി. പ്ലേ ഓഫ് കാണാതെ കേരള ബ്ലാസ്റ്റേഴ്സ് ഐഎസ്എല്ലില് നിന്ന് പുറത്തുപോയതിനു പിന്നാലെ താരം കുടുംബത്തിന്റെ തിരക്കുകളിലാണ്. അടുത്തിടെ എത്തിയ പുതിയ അതിഥിക്കൊപ്പമാണ് വിനീത്.
അതിനിടെയാണ് തന്റെ മകന് ജീവിക്കാന് മതം വേണ്ടാ എന്ന നിലപാട് പരസ്യമാക്കി താരം രംഗത്ത് വന്നത്. അവന്റെ വിശ്വാസവും, വഴിയും അവന് തന്നെ തിരഞ്ഞെടുക്കട്ടെയെന്ന് വിനീത് വ്യക്തമാക്കി. മകനെ ഒരു മതത്തിന്റെയും ചട്ടക്കൂടില് വളര്ത്തില്ല എന്നാണ് വിനീതിന്റെ പക്ഷം.
