ബ്ലാസ്റ്റേഴ്സിന്റെ ആദ്യ മത്സരം ഈ 31 ന് നെരോക്ക എഫ്സിക്ക് എതിരെയാണ്. നെരോക്ക എഫ്സിക്കെതിരെ ബ്ലാസ്റ്റേഴ്സ് സൂപ്പര് താരം ഇയാന് ഹ്യൂം കളിക്കില്ലെന്നാണ് റിപ്പോര്ട്ടുകള്. പരിക്കിനെ തുടര്ന്നാണ് താരം ഐഎസ്എല് സീസണിനിടെ ടീം വിടേണ്ടി വന്നത്. സൂപ്പര് കപ്പില് താരം തിരിച്ചെത്തുമെന്ന പ്രതീക്ഷകള് തകര്ത്തുകൊണ്ട് ഹ്യൂം തന്നെയാണ് ആശങ്ക നല്കുന്ന വാര്ത്ത പുറത്തുവിട്ടത്.
ഐഎസ്എല്ലിനിടെ കാല്മുട്ടിനേറ്റ പരിക്ക് ഭേദമായി വരികയാണ്. എന്നാല് വരുന്ന കുറച്ച് മാസങ്ങള് തനിക്ക് അതിനിര്ണായകമാണെന്നുമായിരുന്നു ഹ്യൂമിന്റെ കുറിപ്പ്. ഫെയ്സ്ബുക്കിലൂടെയാണ് താരം വെളിപ്പെടുത്തല് നടത്തിയത്. നിലവില് അഞ്ചു വിദേശ താരങ്ങള് മാത്രമുള്ള ബ്ലാസ്റ്റേഴ്സിന് കൂടുതല് താരങ്ങളെ സുപ്പര് കപ്പിനു മുന്നേ ടീമില് എത്തിക്കേണ്ടതായി വരും. വെസ് ബ്രൗണ്, ലാകിച്ച് പെസിച്ച്, കറേജ് പെക്കുസണ്, വിക്ടര് പുള്ഗ, പോള് റെബൂക്ക എന്നിവരാണ് ടീമിലുളള വിദേശ താരങ്ങള്.
