കൊച്ചി: കേരള ബ്ലാസ്റ്റേഴ്സിന്റെ സൂപ്പര് ഗോളി സുഭാഷിഷ് റോയ് ചൗധരി ടീം വിട്ടു. ബ്ലാസ്റ്റേഴ്സിന്റെ അതിനിര്ണായക മത്സരങ്ങളില് ഗോള് വല കാത്ത് ടീമിനെ രക്ഷിച്ച സൂപ്പര് ഗോളിയും ആരാധകരെ ഞെട്ടിച്ചാണ് ടീം വിട്ടത്. താരങ്ങളുടെ കൊഴിഞ്ഞുപോക്ക് തുടരുന്നതിനിടയില് ഏറ്റവും അവസാനം സുഭാഷിഷ് റോയിയെ സ്വന്തമാക്കിയത് മഞ്ഞപ്പടയുടെ ബദ്ധവൈരിയായ കോപ്പലാശാനാണ്.
ജംഷഡ്പൂര് എഫ്സി യുമായുള്ള കരാറില് താരം ഇന്നലെ ഒപ്പുവെച്ചു. ഐഎസ്എല് നാലാം സീസണിനു പിന്നാലെ തുടങ്ങുന്ന സൂപ്പര് കപ്പ് മത്സരങ്ങള്ക്കു ശേഷം റോയ് ജംഷ്ഡപൂരിന്റെ ഭാഗമാകും. സീസണിനിടെ ബെര്ബയും, സിഫ്ളനിയോസും ടീം വിട്ടിരുന്നു.
ഐഎസ്എല് സീസണിനു പിന്നാലെ മലയാളി സൂപ്പര് താരം സി.കെ വിനീതും, റിനോ ആന്റോയും മഞ്ഞപ്പടയില് നിന്നും പോകുന്നുവെന്ന വാര്ത്ത ആരാധകരെ ഞെട്ടിച്ചിരിക്കുന്നതിലനിടയിലാണ് സുഭാഷിഷ് റോയിയും €ബ് വിടുന്നത്. 37 ലക്ഷം രൂപയ്ക്കാണ് സുഭാഷിഷ് റോയ് കഴിഞ്ഞ ഡ്രാഫ്റ്റില് ബ്ലാസ്റ്റേഴ്സില് എത്തിയത്. സുബ്രതാ പോളിന്റെ കരാര് പുതുക്കിയതിനു പിന്നാലെയാണ് സുഭാഷിഷ് റോയിയേയും കോപ്പലാശാന് സ്വന്തമാക്കിയിരിക്കുന്നത്.
