ചെങ്ങന്നൂര്: പ്രതിപക്ഷ നേതാവ് രമേശ് ചെന്നിത്തലയ്ക്കെതിരെ രൂക്ഷവിമര്ശനവുമായി ചെങ്ങന്നൂര് മുന് എം.എല്.എ ശോഭന ജോര്ജ്. ചെന്നിത്തല യു.ഡി.എഫിന്റെ ഗോര്ബച്ചേവാണെന്ന് ശോഭന ജോര്ജ് ആരോപിച്ചു. കെ.പി.സി.സിയില് ഇഷ്ടക്കാരെ തിരുകി കയറ്റുകയാണ് ചെന്നിത്തല. ചെന്നിത്തല നേതൃത്വത്തിലേക്ക് എത്തിയതോടെ കോണ്ഗ്രസില് നിന്ന് എല്ലാവരും പുറത്തേക്ക് പോകുകയാണ്. യു.ഡി.എഫ് ശോഷിച്ചുവെന്നും ശോഭന ജോര്ജ് പറഞ്ഞു.
ടെലിവിഷന് അഭിമുഖത്തില് സംസാരിക്കുകയായിരുന്നു ശോഭന ജോര്ജ്. നേരത്തെ കോണ്ഗ്രസില് തന്നെ ഏറ്റവുമധികം വേട്ടയാടിയത് ചെന്നിത്തലയാണെന്ന് ശോഭന ജോര്ജ് ആരോപിച്ചിരുന്നു. പാര്ട്ടിയിലേക്ക് മടങ്ങിയെത്തിയ ശേഷം രമേശ് തനിക്ക് അര്ഹമായ പരിഗണന നല്കിയില്ല. രമേശിന്റെ ലക്ഷ്യം താനോ ലീഡറോയ ആരായിരുന്നെന്ന് അറിയില്ലെന്നും ശോഭന മറ്റൊരു ചാനലിന് നല്കിയ അഭിമുഖത്തില് പറഞ്ഞിരുന്നു.
ചെങ്ങന്നൂര് ഉപതെരഞ്ഞെടുപ്പിന് മുന്നോടിയായി ശോഭന ജോര്ജ് കോണ്ഗ്രസ് വിട്ടിരുന്നു. ഇടതുമുന്നണിയില് ചേര്ന്ന ശോഭന ജോര്ജ് സജി ചെറിയാന്റെ തെരഞ്ഞെടുപ്പ് കണ്വന്ഷനില് പങ്കെടുക്കുകയും ചെയ്തിരുന്നു.
