ഒരു ഗോളിനു പിന്നാലെ ലോകം ഉരുളാന് ഇനി 31 നാളുകള് കൂടി. റഷ്യയിലേക്ക് ലോകത്തിന്റെ ആവേശം ആര്ത്തിരമ്പാന് നാളുകള് മാത്രം ബാക്കിനില്ക്കെ ആരാധകരുടെ കാത്തിരിപ്പിനു പിന്നാലെ വാതുവെപ്പുകാരും സജീവമായി തുടങ്ങി.
ലോകകപ്പ് വേദിയില് ലോകത്തിന്റെ ഫുട്ബോള് ആവേശം നിറച്ച ആ കപ്പ് റഷ്യയില് ഉയര്ത്തുന്നത് ആരാകും എന്ന വാദങ്ങള് ഉയര്ന്നതോടെ കൂടുതല് വാതുവെപ്പു സ്ഥാപനങ്ങളും സാധ്യത കല്പ്പിക്കുന്നത് ടിക്കിടാക്ക ശൈലിക്ക് പേരുകേള്പ്പിച്ച ജര്മ്മനിക്കു തന്നെയാണ്. മഞ്ഞപ്പടയെന്ന ആവേശം ലോകത്തില് നിറച്ച ബ്രസീലും സാധ്യത പട്ടികയില് തൊട്ടുപിന്നാലെയുണ്ട്.
വെസ്റ്റ്ഗേറ്റ് ലാസ്വെഗാസ് സൂപ്പര്ബുക്കിന്റെ റേറ്റിങ്ങില് ജര്മ്മനിയാണ് മുന്നില്. തൊട്ടുപിന്നാലെ ബ്രസീലുണ്ട്. നിലവിലെ ലോകകപ്പ് ജേതാക്കളാണ് ജര്മ്മനി. അ;േസമയം ഏറ്റവും കൂടുതല് തവണ ലോകകപ്പുയര്ത്തിയ യോഗ്യതയില് ബ്രസീലാണ് മുന്നില്. ആവേശത്തിന്റെ കിക്കോഫിന് ദിവസങ്ങള് മാത്രം ശേഷിക്കെ രണ്ടു പ്രമുഖ താരങ്ങള് പരിക്കിന്റെ പിടിയിലായി ബ്രസീല് ടീമില് നിന്നു പുറത്തായതും സൂപ്പര് താരം നെയ്മര് പരിക്കിന്റെ പിടിയിലായതും ബ്രസീലിന് കനത്ത തിരിച്ചടിയായിരിക്കുകയാണ്.
