തിരുവനന്തപുരം: കെവിന്റെ ദുരഭിമാനകൊലയില് കുറ്റക്കാര്ക്കെതിരേ മുഖം നോക്കാതെ കര്ശന നടപടിയെടുക്കുമെന്ന് മുഖ്യമന്ത്രി. കേരളാ നിയമസഭയുടെ പതിനൊന്നാം സമ്മേളനത്തില് പ്രതിപക്ഷം ഉയര്ത്തിയ അടിയന്തിര പ്രമേയത്തിന് നല്കിയ മറുപടിയിലാണ് വ്യക്തമാക്കിയത്. കെവിന്റെ മരണം പോലീസിന്റെ ഒത്താശയോടെയുള്ള ദുരഭിമാന കൊലയാണെന്നും ആഭ്യന്തര വകുപ്പിന്് സംഭവിച്ച ഗുരുതരമായ വീഴ്ചയാണെന്നും അടിയന്തിര പ്രമേയത്തില് പ്രതിപക്ഷം ആരോപിച്ചു.
സംഭവത്തില് പോലീസിന്റെ വീഴ്ച എണ്ണിയെണ്ണി പറഞ്ഞു കൊണ്ടായിരുന്നു പ്രതിപക്ഷം വിമര്ശനം ഉന്നയിച്ചത്. നോട്ടീസ് അവതരിപ്പിച്ച തിരുവഞ്ചൂര് രാധാകൃഷ്ണനെ സമയം അതിക്രമിക്കുന്നു എന്ന കാര്യം സ്പീക്കര് ഓര്മ്മിപ്പിച്ചത് സഭയില് വലിയ ബഹളത്തിന് കാരണമായി. തുടര്ന്ന് തിരുവഞ്ചൂരും സ്പീക്കറും നേര്ക്കുനേര് വാഗ്വാദം ഉണ്ടായി. മുഖ്യമന്ത്രിക്ക് സംരക്ഷണ എന്ന് പറഞ്ഞ് പരാതി തള്ളിയ പോലീസ് പെണ്കുട്ടിയെ തങ്ങളുടെ കാണ്കെ മര്ദ്ദിച്ചിട്ടും നടപടിയെടുത്തില്ലെന്നും തിരുവഞ്ചൂര് പറഞ്ഞു. അങ്ങ് ആര്ക്കൊപ്പമാണെന്ന് ചോദിച്ച തിരുവഞ്ചൂര്. കെവിന്റെ ദുരൂഹ മരണവുമായി ബന്ധപ്പെട്ട് പരാതി പോലീസ് തള്ളിയപ്പോള് സമയത്തെക്കുറിച്ച് ആകുലപ്പെട്ടില്ലല്ലോയെന്നും ചോദിച്ചു. എന്നാല് ചെയറിനോട് ഇങ്ങിനെ പെരുമാറരുതെന്ന് സ്പീക്കര് തിരുവഞ്ചൂരിനോട് പറഞ്ഞു.
പ്രതികള് ഡിവൈഎഫ്ഐക്കാര് ആയതിനാല് കേസ് അട്ടിമറിക്കാന് ശ്രമിക്കുകയാണോ എന്നും തിരുവഞ്ചൂര് ചോദിച്ചു. ഇതിന് നീനുവിന്റെ പിതാവ് കോണ്ഗ്രസുകാരനാണെന്ന വിവരം പറഞ്ഞാണ് മുഖ്യമന്ത്രി തിരിച്ചടിച്ചത്. നീനുവിന്റെ പിതാവിനെയും സഹോദരനെയും കോണ്ഗ്രസുകാരായിട്ടല്ല തങ്ങള് വിലയിരുത്തുന്നതെന്നും പ്രതികളെ രാഷ്ട്രീയം കലര്ത്താതെ പ്രതികളായിട്ട് തന്നെയാണ് കാണുന്നതെന്നും കുറ്റക്കാര്ക്കെതിരേ കര്ശന നടപടിയെടുക്കുമെന്നും മുഖ്യമന്ത്രി പറഞ്ഞു. വാരാപ്പുഴ ശ്രീജിത്ത് കസ്റ്റഡി മരണ കേസ് സിബിഐയ്ക്ക് വിടില്ലെന്നും മുഖ്യമന്ത്രി പറഞ്ഞു. നീനുവിന്റെ പിതാവ് കോണ്ഗ്രസുകാരനാണെന്നും സഹോദരനും ഒന്നാംപ്രതിയുമായ ഷാനു യൂത്ത് കോണ്ഗ്രസുകാരനാണെന്നുമുള്ളത് വ്യാജപ്രചരണമാണെന്ന് രമേശ് ചെന്നിത്തല ആരോപിച്ചു.
നേരത്തേ ചെങ്ങന്നൂരില് ജയിച്ച സജി ചെറിയാന് സത്യപ്രതിജ്ഞ ചെയ്തതിന് തൊട്ടു പിന്നാലെയായിരുന്നു പ്രതിപക്ഷം അടിയന്തിരപ്രമേയത്തിന് നോട്ടീസ് നല്കിയത്. നേരത്തേ കുറ്റിയാടി എംഎല്എ പാറയ്ക്കല് അബ്ദുള്ള നിപാ വൈറസ് ബാധയില് പ്രതിഷേധിച്ച് മാസ്ക്കും ഗ്ളൗസും ധരിച്ചെത്തിയതിനെതിരേ ആരോഗ്യമന്ത്രിയും മുഖ്യമന്ത്രിയും വിമര്ശിക്കുകയും മറ്റുള്ളവര് ഏറ്റെടുക്കുകയും ചെയ്തു. വാട്സ്ആപ്പിലൂടെ വ്യാജ ഹര്ത്താലിന് ആഹ്വാനം ചെയ്തതിന് 85 ക്രിമിനല് കേസുകള് റജിസ്റ്റര് ചെയ്തതായും ഇതുമായി ബന്ധപ്പെട്ട് 1595 പേരെ അറസ്റ്റ് ചെയ്തതായും മുഖ്യമന്ത്രി സഭയെ അറിയിച്ചു. എന്നാല് മുഖ്യമന്ത്രിക്കെതിരേ പോസ്റ്റിട്ട എത്ര പേരെ അറസ്റ്റ് ചെയ്തു എന്ന പിടി തോമസ് എംഎല്എയുടെ ചോദ്യത്തിന് മുഖ്യമന്ത്രി മറുപടി പറയാന് തയ്യാറായില്ല. ഇത് രണ്ടും രണ്ടു സംഭവമാണെന്നും രണ്ടു ചോദ്യങ്ങളായി ചോദിച്ചാല് മാത്രമേ മറുപടി പറയാനാകൂ എന്നായിരുന്നു പ്രതികരണം.
