തിരുവനന്തപുരം: പിന്നില് നിന്ന് കുത്തി, ആത്മാഭിമാനം ചോദ്യം ചെയ്തു തുടങ്ങിയ ആരോപണങ്ങള് ഉന്നയിച്ച് രണ്ടു വര്ഷം മുന്പ് യു.ഡി.എഫ് വിട്ട കെ.എം മാണിയും കേരള കോണ്ഗ്രസും ഇന്ന് മുന്നണിയില് തിരിച്ചെത്തി. മുന്നണിയില് ചേരാന് തീരുമാനിച്ച പാര്ട്ടി പാര്ലമെന്ററി യോഗത്തിനു ശേഷം കെ.എം മാണി യു.ഡി.എഫ് യോഗത്തില് പങ്കെടുത്തു.
കേരള കോണ്ഗ്രസിന്റെ തിരിച്ചുവരവ് യു.ഡി.എഫിനെ ശക്തിപ്പെടുത്തുമെന്ന കെ.എം മാണിയെ മുന്നണിയിലേക്ക് സ്വാഗതം ചെയ്ത് രമേശ് ചെന്നിത്തല പറഞ്ഞു.
സ്വതന്ത്ര നിലപാട് സ്വീകരിച്ച കേരള കോണ്ഗ്രസ് യുഡിഎഫിലേക്ക് തിരിച്ചുവന്നു എന്നത് ജനാവധിപത്യ ചേരിക്ക് ഗുണപരമായ മാറ്റമുണ്ടാകുമെന്ന് മാണി പറഞ്ഞു. യു.ഡി.എഫിന് കൂടുതല് ശക്തിയും ഉറപ്പും നല്കും. കെപിസിസി, ലീഗ്, ഘടകകക്ഷി നേതാക്കള്ക്കുമെല്ലാം നന്ദി പറയുന്നു. ഇത്രയും സ്നേഹം നിങ്ങള്ക്ക് ബാക്കി ഉണ്ടായിരുന്നല്ലോ എന്നറിഞ്ഞതില് സന്തോഷമെന്നും മാണി പറഞ്ഞു.
ജനാധിപത്യ കേരളത്തിന് സന്തോഷിക്കാവുന്ന അവസരമാണിതെന്ന് മുന് മുഖ്യമന്ത്രി ഉമ്മന് ചാണ്ടി പറഞ്ഞു. കേരളത്തിന്റെ ഭാവിക്കും കേരള ജനതയ്ക്കും ഏറ്റവും ആവശ്യമായിരിക്കുന്ന അന്തരീക്ഷം ഉണ്ടായി വന്നതില് കടപ്പാട് ഉണ്ട്. മാണിക്കെതിരായ ആരോപണങ്ങളില് യു.ഡി.എഫ് ഒറ്റക്കെട്ടായി നിന്നു. മാണി പുറത്തുപോയപ്പോഴും യുഡിഎഫ് നിലപാടില് മാറ്റമുണ്ടായില്ല. മാണിയ്ക്ക് നല്കുന്ന പിന്തുണയാണ് തിരിച്ചുവരവിന് ഇടയാക്കിയതെന്നും ഉമ്മന് ചാണ്ടി പറഞ്ഞു.
