കോട്ടയം: രാജ്യസഭാ സീറ്റ് വിഷയത്തില് തന്നെ വിമര്ശിച്ച കെ.പി.സി.സി മുന് പ്രസിഡന്റ് വി.എം സുധീരന് മറുപടിയുമായി കെ.എം മാണി രംഗത്ത്. സൂധീരന് അമിതാവേശമാണെന്നും ഇത്തരത്തിലുള്ള ഒരു സമീപനം അദ്ദേഹത്തില് നിന്ന് പ്രതീക്ഷിച്ചില്ലെന്നും മാണി പറഞ്ഞു.
കാര്യങ്ങറിയാതെയാണ് സൂധീരന്റെ വിമര്ശനം. കാര്യങ്ങള് വസ്തുനിഷ്ടമായി പരിശോധിച്ചതിന് ശേഷം വേണം പ്രസ്താവനകള് നടത്തേണ്ടതെന്നും അദ്ദേഹം പറഞ്ഞു. യു.ഡി.എഫ് പ്രവേശനത്തിന് മുമ്പുള്ള കാര്യങ്ങള് വെച്ചാണ് സുധീരന്റെ വിമര്ശനമെന്നും ഇനി യു.ഡി.എഫിനെ ശക്തിപ്പെടുത്തുകയാണ് ലക്ഷ്യമെന്നും മാണി പറഞ്ഞു.
ഭാവിയില് ബി.ജെ.പിയുമായി കൂട്ട് കൂടില്ലെന്ന ഉറപ്പ് യു.ഡി.എഫിനും ജനങ്ങള്ക്കും നല്കാന് മാണി തയ്യാറകുമോയെന്ന് സുധീരന് നേരത്തെ ചോദിച്ചിരുന്നു. മാണിയുടെ ചാഞ്ചാട്ട രാഷ്ര്ടീയം അദ്ദേഹത്തിന്റെ വിശ്വാസ്യത ഇല്ലാതാക്കിയിരിക്കുകയാണെന്നും സുധീരന് പറഞ്ഞിരുന്നു.
യു.ഡി.എഫിലേക്കു തിരികെ എത്തിയശേഷവും സമദൂരം എന്ന നിലപാട് ആണെന്ന് മാണി പറഞ്ഞിരുന്നു. ഈ നിലപാടിലുടെ വരുത്തിവെച്ച ആശങ്ക മാറ്റണം. അതുകൊണ്ടു തന്നെ ഇനി ഭാവിയില് ബി.ജെ.പിയിലേക്ക് കേരള കോണ്ഗ്രസ് പോകില്ലെന്ന് പരസ്യമായി ഉറപ്പു നല്കണമെന്ന് സുധീരന് ആവശ്യപ്പെട്ടു.
അതേസമയം ലോക്സഭയില് യുപിഎക്ക് ഒരു അംഗം നഷ്ടമാകുന്നത് ബി.ജെ.പിക്ക് നേട്ടമാകുമെന്നും, കോണ്ഗ്രസ് പ്രതിനിധി രാജ്യസഭയില് എത്തുന്നത് മാണി ഇല്ലാതാക്കിയെന്നും സുധീരന് വിമര്ശിച്ചു. ബി.ജെ.പി ഉള്പ്പെടെ മൂന്നു പാര്ട്ടികളുമായി മാണി ഒരേ സമയം വിലപേശിയെന്നും മാണിയുടെ വിശ്വാസ്യത ജനത്തിനു മുന്നില് നഷ്ടമായെന്നും സുധീരന് പറഞ്ഞു.
