സിംഗപ്പൂര്: ലോകം ശ്രദ്ധയോടെ കാത്തിരിക്കുന്ന അമേരിക്ക-വടക്കന് കൂടിക്കാഴ്ച തലവന്മാര് തമ്മിലുള്ള കൂടിക്കാഴ്ചയെ സ്വാഗതം ചെയ്ത് ഇന്ത്യ. ലോകത്ത് സമാധാനം പുലരാന് ചര്ച്ചയുടെ ഫലം പ്രധാനമാണെന്ന പ്രധാനമന്ത്രി വ്യക്തമാക്കി. ഇന്ത്യന് സമയം ആറു മണിയോടെയാണ് വടക്കന് കൊറിയന് തലവന് കിം ജോംഗ് ഉന്നും അമേരിക്കന് പ്രസിഡന്റ് ഡൊണാള്ഡ് ട്രംപും തമ്മിലുള്ള ചരിത്രപ്രസിദ്ധമായ കൂടിക്കാഴ്ച നടന്നത്.
നയതന്ത്ര കൂടിക്കാഴ്ചയ്ക്ക് മുമ്പ് സൗഹൃദ കൂടിക്കാഴ്ച നടന്നു.സിംഗപ്പൂരിലെ സെന്റോസാ ദ്വീപിലെ ആഡംബര ഹോട്ടലായ കാപ്പെല്ലയിലാണ് കൂടിക്കാഴ്ച നടക്കുന്നത്. ഇരു നേതാക്കളും ആദ്യമായി പരസ്പരം കണ്ടു മുട്ടിയപ്പോള് കൈകൊടുത്താണ് അകത്തേയ്ക്ക് പ്രവേശിച്ചത്. സൗഹൃദ കൂടിക്കാഴ്ച 45 മിനിറ്റോളം നീണ്ടു നിന്നു. കഴിഞ്ഞത് അടഞ്ഞ അധ്യായമെന്നും പഴയ കാര്യങ്ങളെല്ലാം അപ്രസക്തമായെന്നും കിം വ്യക്തമാക്കി.
കൂടിക്കാഴ്ച നല്ല ഫലം ഉളവാക്കുമെന്നാണ് പ്രതീക്ഷിക്കുന്നതെന്ന് ട്രംപും വ്യക്തമാക്കി. ഇരു നേതാക്കളുടേയും സൗഹൃദ കൂടിക്കാഴ്ചയ്ക്ക് ശേഷമായിരുന്നു നയതന്ത്ര പ്രതിനിധികളുടെ ചര്ച്ച നടന്നത്. ആണവ നിരായുധീകരണം ഉള്പ്പെടെ ഒട്ടേറെ വിഷയങ്ങള് കൂടിക്കാഴ്ചയില് ചര്ച്ചാവിഷയമാകുമെന്നാണ് പ്രതീക്ഷ. വടക്കന് കൊറിയയുടെ ആണവപരീക്ഷണങ്ങളെ തുടര്ന്ന് ഇരു രാജ്യങ്ങളും തമ്മിലുള്ള ബന്ധം വഷളാകുകയും ലോകം ആണവയുദ്ധ ഭീഷണിയുടെ നിഴലിലാകുകയും ചെയ്ത സാഹചര്യത്തിന് പിന്നാലെയാണ് ഇരു നേതാക്കളും കൂടിക്കാഴ്ചയ്ക്ക് സമ്മതിച്ചിരിക്കുന്നത്.
