ഊര്മ്മിള ഉണ്ണിക്കെതിരെ അതി രൂക്ഷ വിമര്ശനമുയര്ത്തി ഡബ്ബിങ് ആര്ട്ടിസ്റ്റും നടിയുമായി ഭാഗ്യലക്ഷ്മി. താരസംഘടനയില് ദിലീപിനെ തിരിച്ചെടുക്കണമെന്ന് ആവശ്യമുയര്ത്തിയതിനു പിന്നാലെ അക്രമിക്കപ്പെട്ട നടിയെ ഉള്പ്പെടെ തരംതാഴ്ത്തി പറഞ്ഞതിനാണ് ഊര്മ്മിള ഉണ്ണിക്കെതിരെ ആഞ്ഞടിച്ചിരിക്കുന്നത്.
ദിലീപിനെ പിന്തുണച്ച് നടത്തിയ പ്രഹസനം കൊണ്ട് ദിലീപ് ഊര്മ്മിള ഉണ്ണിയുടെ മകളെ നായികയാക്കുമെന്ന് കരുതേണ്ടെന്നാണ് ഭാഗ്യലക്ഷ്മി ആഞ്ഞടിച്ചിരിക്കുന്നത്. അമ്മയില് നടന്ന ജനറല് ബോഡി യോഗത്തില് ഊര്മ്മിള ഉണ്ണിയാണ് ആദ്യം ദിലീപിനെ തിരിച്ചെടുക്കണമെന്ന് ആവശ്യം ഉയര്ത്തിയത്. പിന്നാലെയാണ് യോഗത്തില് ചര്ച്ച നടന്നതും ദിലീപിനെ തിരിച്ചെടുത്തതും വന് വിവാദമായതും, ഉര്മ്മിള ഉണ്ണിക്കു പിന്നില് വേറെ ആരോ ഉണ്ടെന്ന് കരുതിയെങ്കിലും മാധ്യമങ്ങള്ക്കു മുന്നിലെ കൊഞ്ചിക്കുഴഞ്ഞുള്ള പ്രസ്താവന കേട്ടപ്പോള് തന്നെ മനസിലായി ഇത് ആരും ഏയ്ത് വിട്ട അമ്പെല്ലെന്ന് എന്ന് ഭാഗ്യലക്ഷ്മി പറയുന്നു. ഒരു ഓണ്ലൈന് മാധ്യമത്തിനു നല്കിയ അഭിമുഖത്തിലാണ് നടിക്കെതിരെ ആഞ്ഞടിച്ചിരിക്കുന്നത്.
ആത്മാഭിമാനമുള്ള ഒരു സ്ത്രീയും നിങ്ങളോശടാത്ത് വേദിയെന്നല്ല സൗഹൃദം പോലും ആഗ്രഹിക്കില്ലെന്നും ഭാഗ്യലക്ഷ്മി പറഞ്ഞു. കഴിഞ്ഞ ദിവസം നടന്ന ഒരു പൊതു ചടങ്ങില് ഊര്മ്മിള ഉണ്ണി പങ്കെടുക്കുന്നുവെന്ന കാരണത്താല് അധ്യാപികയായ ദീപ നീശാന്ത് വേദിയില് നിന്നും വിട്ടുനിന്നിരുന്നു. ജീവിതാനുഭവം ഉള്ള ഒരു പെണ്ണും ഇത്തരം വിഷയം ലാഘവത്തോടെ കാണില്ലെന്നും ഭാഗ്യലക്ഷ്മി കൂട്ടിച്ചേര്ത്തു.
