പ്രണവ് മോഹന്ലാല് അഭിനയിക്കുന്ന ഒരു ചിത്രത്തിന് പബ്ളിസിറ്റി സ്റ്റണ്ടിന്റെ ആവശ്യമുണ്ടോ? ഒരാള്ക്ക് ഒരു സഹായം ചെയ്യുക എന്ന നിലയിലാണ് പുതിയ ചിത്രത്തില് വേഷം കൊടുക്കുന്ന കാര്യം ആലോചിച്ചത്. അത് പബ്ളിസിറ്റി സ്റ്റണ്ട് എന്നാക്ഷേപിക്കുന്നതില് ദു:ഖമുണ്ടെന്ന് സംവിധായകന് അരുണ്ഗോപി. തമ്മനത്ത് മീന് വിറ്റിരുന്ന ബിരുദ വിദ്യാര്ത്ഥിനിയുടെ കഥ പുറത്തു വന്നതിന് പിന്നാലെ പെണ്കുട്ടിക്ക് പ്രണവ് മോഹന്ലാല് നായകനാകുന്ന തന്റെ പുതിയ ചിത്രത്തില് അരുണ്ഗോപി വേഷം നല്കിയിരുന്നു.
ഇതിനെതിരേ പ്രചരണം ശക്തമായതോടെയാണ് സത്യാവസ്ഥ വെളിപ്പെടുത്തി സംവിധായകനും രംഗത്ത് വന്നത്. സാമൂഹ്യമാധ്യമത്തിലൂടെ വൈറലായ പെണ്കുട്ടിയുടെ കഥ ഷെയര് ചെയ്തത് മറ്റുള്ളവര്ക്ക് കൂടി മാതൃകയാകേണ്ട ജീവിതം എന്ന നിലയിലാണ്. ' ഈ കുട്ടിക്ക് ഒരവസരം നല്കിയാല് സഹായകമാകും ചേട്ടാ' എന്നൊരു കമന്റ് താഴെ വരികയും നോക്കാം എന്ന മറുപടി നല്കി. മാധ്യമ വാര്ത്തകള് ശരിയായിരിക്കും എന്ന ബോധ്യത്തോടെയാണ് സിനിമയില് കുട്ടിയെ അഭിനയിപ്പിക്കും എന്ന് തീരുമാനം എടുത്തതെന്നും സംവിധായകന് പറയുന്നു.
വാര്ത്തയിലൂടെ അല്ലാതെ കുട്ടിയെ അറിയില്ലെന്നും സംവിധായകന് പറയുന്നു. പാലാരിവട്ടം തമ്മനം ജംഗ്ഷനില് കോളേജ് യൂണിഫോമില് ഒരു പെണ്കുട്ടി മീന് വില്ക്കാന് തുടങ്ങിയ വാര്ത്ത കഴിഞ്ഞ ദിവസം പുറത്തു വന്നതോടെയാണ് ഹന്ന എന്ന ബിരുദവിദ്യാര്ത്ഥിനിയുടെ ജീവിതം വാര്ത്തയായത്. ഒരു ദിവസം കൊണ്ട് വൈറലായി മാറിയ സംഭവം നാട്ടുകാര് ഏറ്റെടുക്കുകയായിരുന്നു. ഇതിന് പിന്നാലെയാണ് സംവിധായകന് അരുണ്ഗോപി പെണ്കുട്ടിയ്ക്ക് തന്റെ പുതിയ സിനിമയിലേക്ക് അവസരം നല്കിയതായി വാര്ത്തയും പുറത്തു വന്നത്.
