വണ്ണപ്പുറം: ഒരു കുടുംബത്തിലെ നാലു പേരെ കൊന്നു കുഴിച്ചുമൂടിയ സംഭവത്തില് കേസന്വേഷണത്തിനായി സ്പെക്ട്ര ഉപയോഗിക്കും. മൊബൈല് ഫോണിലൂടെയുള്ള ആശയവിനിമയങ്ങള് കണ്ടെത്തുന്നതിനായി സംസ്ഥാന പോലീസ് സേന ഉപയോഗിക്കുന്ന നൂതന സംവിധാനമാണ് സ്പെക്ട്ര.
മലപ്പുറം പോലീസിന്റെ കൈവശമാണ് 'സ്പെക്ട്ര' സംവിധാനമുള്ളത്. മലപ്പുറത്ത് നിന്നും അടിയന്തിരമായി സ്പെക്ട്ര എത്തിക്കുമെന്ന് പോലീസ് പറഞ്ഞു. കൊലപാതകം നടന്ന കാനാട്ടു വീടിന്റെ സമീപത്തെ ആള്താമസമില്ലാത്ത വീട്ടിലാണ് പോലീസ് ക്യാമ്പ് ചെയ്യുന്നത്.
വലിയ പാറയ്ക്ക് പിന്നിലായതിനാല് നേരിട്ട് കാണാനാകില്ല. കൊലപാതകം നടന്ന വീടും പരിസരവും ശക്തമായ കാവലിലാണ്. കൊല്ലപ്പെട്ട കൃഷ്ണന് മുമ്പ് ചില രാഷ്ട്രീയ പ്രവര്ത്തനങ്ങള് നടത്തിയിരുന്നു. ബിജെപിയുടെ ബൂത്ത് പ്രസിഷന്റായിരുന്ന ആളാണ് കൃഷ്ണന്.
കമ്പകക്കാനത്തെ അയല്വാസികളോടും ബന്ധുക്കളോടും അകലം പാലിച്ചിരുന്നെങ്കിലും മറ്റുള്ള ആള്ക്കാരോട് നന്നായി സംസാരിക്കുമായിരുന്നു. വീട്ടില് ചില പൂജകള് നടത്തിയിരുന്നു എന്ന് ബിജെപിയുടെ പഞ്ചായത്ത് നേതാക്കളും പറയുന്നുണ്ട്.
